Y Digymar Iolo Morganwg

Geraint H. Jenkins

Dyma'r cofiant cynhwysfawr cyntaf i'r 'Cymro mwyaf diddorol a fagwyd erioed yng Nghymru' - y digymar Iolo Morganwg. Mae'r cofiant yn olrhain ei fywyd rhyfeddol o ddiddorol gan amlygu'i gyfraniad enfawr i fywyd y genedl.

ISBN: 9781784616267

Pris: £14.99

Adran: Cofiannol, Cofiant, Hanes, Hanes Cymru

Cyfrwng: Clawr Meddal

Iaith: Cymraeg

Nifer y tudalennau: 264

Mwy o wybodaeth

Adolygiadau

"Mae darllen y gyfrol hon wedi fy mherswadio... fod Iolo'n wir yn un o gymeriadau mwyaf diddorol yr oesoedd." - Peredur Lynch, Cylchgrawn Barn, Ebrill 2019

"Diddordeb yr awdur a'i awydd i ddiddori eraill sy'n tanio popeth. Ceir digon o hanes 'caled' yma: dyddiadaur, dyfyniadau, cyd-destunau... Croeso i Y Digymar Iolo Morganwg ar sail ei gyfraniad at ein dealltwriaeth o'r dyn a'i gyfnod." - T Robin Chapman, O'r Pedwar Gwynt – Gwanwyn 2019

"As with all of Jenkins' books, this is no dry academic tome. The author's enthusiasm for his subject is infectious. While the fruit of in-depth research, Jenkins knows how to tell a story, and how to entertain. - Ifan Morgan Jones, Nation.cymru

Broliant

Mae'r gyfrol hon yn cynnig portread cyffrous newydd o'r athrylithgar Iolo Morganwg, un o'r cymeriadau mwyaf creadigol ac amryddawn a welwyd erioed yng Nghymru.

Gwrthryfelwr wrth natur oedd y saer maen tlawd a hunanaddysgiedig hwn, ciciwr yn erbyn y tresi ac un na allai wenieithio na chowtowio i neb. Roedd yn ffugiwr llenyddol penigamp, yn fardd godidog, yn weriniaethwr tanbaid, yn weledydd ysbrydoledig o ran dyfodol Cymru a'r Gymraeg, yn Undodwr digymrodedd, yn elyn pennaf i ryfelgarwch a chaethwasiaeth, ac yn gyfaill triw i'r tlawd a gorthrymedig.

Dyma gofiant meistrolgar a darllenadwy i un o arwyr y genedl gan hanesydd disglair ac un o'i edmygwyr mwyaf, Geraint H. Jenkins.

Hefyd gan yr awdur

Mwy gan Geraint H. Jenkins