Ody'r Teid yn Mynd Mas?

Mair Garnon James, Jon Meirion Jones

Atgofion Mair Garnon o Landudoch, Aberteifi a dreuliodd oes yn gwasanaethu ei hardal fel athrawes, digrifwraig, pregethwr cynorthwyol, Ynad Heddwch, beirniad eisteddfod a chwpl o bethau eraill hefyd. Fel arweinydd nosweithiau llawen a diddanwraig hwyliog mae nifer yn ei hadnabod a dros y blynyddoedd fe ymwelodd â phob math o gymdeithasau i'w difyrru.

ISBN: 9781848513617

Pris: £8.99

Adran: Cofiannol, Hunangofiant, Ceredigion

Cyfrwng: Clawr Meddal

Iaith: Cymraeg

Nifer y tudalennau: 224

Mwy o wybodaeth

Adolygiadau

Ody'r teid wedi mynd mas? Nag yw, gwlei! Bydd y gyfrol hon yn ei atal am sbel 'to, achos fe gwyd ysbryd a balchder pobol Llandudoch yn eu bro a'u hetifeddiaeth. A diolch i Jon Merion Jones am gydweithio gyda Mair ar y gyfrol hyfryd hon. - Gwyn Griffiths, Gwales

Broliant

Menyw ei milltir sgwâr yw Mair Garnon James, a Lland'och ar lannau afon Teifi yw'r lle hwnnw. Mae Ody'r Teid yn Mynd Mas? yn hunangofiant agos atoch a thrwy lif atgofion Mair Garnon cawn gip ar hanes y pentre a golwg ar fywyd gwraig sydd wedi'i hangori'n gadarn yn ei bro enedigol. Bu Mair yn wyneb cyfarwydd ar lwyfan eisteddfod a chyngerdd ac yn siaradwraig fyrlymus gyda chymdeithasau amrywiol ym mhob cwr o Gymru am flynyddoedd lawer. Fe gofiwn am Mair fel y fenyw gyntaf i arwain Noson Lawen ar S4C a'n cadw ni yn ein dwble'n chwerthin. Ar gyfnodau gwahanol yn ei bywyd bu'n athrawes, yn ddiacon, yn ynad heddwch ac yn actores mewn brassiere goncrit. A thrwy'r hanes difyr hwn mae gwreiddiau, capel a chymuned yn plethu i'w gilydd i greu bywyd Mair Garnon. Mae Mair yn rhywun sy'n gwbod shwd mae llenwi llwyfan â'i phersonoliaeth ac mae ei hiwmor naturiol a'i ffraethineb rhwydd wedi'i gwneud hi'n annwyl iawn i ni. Dyma i chi fenyw a hanner.