Stad

Nofel gynta'r awdur i oedolion, yn adrodd hanes Theo, sy'n yn dod yn ôl i'w gynefin ym Mhen Llŷn pan gaiff ei dad ei daro'n wael, gan newid byd ar ôl bywyd ariangar, trachwantus yn y ddinas. Nofel ffraeth, â sawl tro annisgwyl, sy'n ymdrin â themâu megis hunaniaeth a threftadaeth.

ISBN: 9781784611279

Pris: £8.95

Adran: Ffuglen

Cyfrwng: Clawr Meddal

Iaith: Cymraeg

Mwy o wybodaeth

Adolygiadau

"Fel gwaith Bethan Gwanas, mae'n wir bod hon yn nofel y gellid ei darllen wrth ymlacio ar y traeth, yn sgil ei hieithwedd fodern, ffraeth, ei chymeriadau chredadwy a'i hiwmor braf, Gymraeg.Mae ynddi hefyd neges wleidyddol ac athronyddol benodol sy'n nodweddu gwaith a gweledigaeth wleidyddol Saunders Lewis, neges bwysig a pherthnasol yn y Gymru sydd ohoni a neges sy'n ychwanegu haen gyfoethog ac alegoriol i'r nofel grefftus hon.Mae'r tro yn niweddglo'r nofel yn un effeithiol a'r cwestiynau y mae'r nofel ôl-fodernaidd, ddeallus hon yn eu codi – a hynny mewn modd mor ffraeth a rhwydd o ran arddull – yn rhai sydd o bwys i'r Gymru Gymraeg: ein dyletswydd i warchod, datblygu ac adnewyddu ein cymunedau, ein hamgylchfyd a'n diwylliant – a rôl pob haen ac elfen o gymdeithas Cymru yn y fenter honno." - Sioned Williams, Cylchgrawn Taliesin

Chwip o stori afaelgar rhwng cloriau Stad, Guto Dafydd. - Gwenlli Evans, Facebook

Mae'r arddull yn llifo ac mae yma droadau annisgwyl ynghyd â haenau o ystyron. Cawn dristwch a llawenydd, dychan ac alegori ochr yn ochr. - Lyn Ebenezer, Gwales

Broliant

"Roedd hi - a'i styfnigrwydd a'i noethni a'i hud - wedi argyhoeddi Theo mai'r plas hwn oedd ei le a'i bwrpas yn y byd."

Nofel gyntaf Guto Dafydd i oedolion. Hanes Theo sydd yma, yn dod yn ôl i'w gynefin ym Mhen Llŷn pan gaiff ei dad ei daro'n wael, gan newid byd ar ôl bywyd ariangar, trachwantus yn y ddinas. Mae'n nofel ffraeth sy'n ymdrin â themâu megis gwrthdaro, hunaniaeth a threftadaeth, gyda sawl tro annisgwyl.

Hefyd gan yr awdur

Mwy gan Guto Dafydd