John Hugh Thomas

Mae John Hugh Thomas wedi byw bywyd llawn cerddoriaeth. Sefydlodd y côr adnabyddus Côr Bach Abertawe (Swansea Bach Choir) yn 1965 ac ef oedd yr arweinydd am bron i bum degawd. Bu'n ddarlithydd Cerdd ym mhrifysgolion Abertawe a Chaerdydd, ac yn Bennaeth Astudiaethau Llais yng Ngholeg Brenhinol Cerdd a Drama Cymru. Bu'n Gôr-feistr Corws BBC Cymru; yn diwtor ac yn arweinydd Côr Ieuenctid Cenedlaethol Cymru; yn arweinydd Côr Polyffonig Caerdydd ac yn Gyfarwyddwr Côr Siambr Prifysgol Caerdydd. Bu hefyd yn aelod o bwyllgor Gŵyl Gerdd a Chelfyddydau Abertawe am nifer o flynyddoedd ac mae hefyd yn gyn-Lywydd Gŵyl Gŵyr.