Clec Amdani

Esyllt Maelor

Mae Josh yn cael trafferthion yn yr ysgol ac adre gyda'i fam. Mae'r ddau wedi dioddef ambell glec yn ddiweddar. Nofel sy'n llawn golygfeydd graffig a chofiadwy ar ffurf holi ac ateb. Rhan o gyfres nofelau byrion Copa ar gyfer yr arddegau hŷn.

ISBN: 9781847718969

Pris: £2.95

Adran: Arddegau, Ffuglen Arddegau

Cyfrwng: Clawr Meddal

Iaith: Cymraeg

Nifer y tudalennau: 64

Oedran darllen: 14-99

Mwy o wybodaeth

Adolygiadau

Mae'r teitl yn un da (mi wnewch chi weld at y diwedd cystal teitl ydi o), ac mae'r llyfr yn un da. Mae'r cymeriadu'n dda, a'r stori yn gafael. Alcoholiaeth sydd dan sylw, a'r trais a'r boen sy'n dod yn ei sgil – i'r teulu, yn fwy na neb. Y mab yn yr achos yma. Dwi'n gwybod y bydd na drafod go frwd ymysg y disgyblion pan ddown nhw ato fo... Does na'm gwastraff geiriau yma chwaith. Mi wnes i ei mwynhau hi, yn bendant, ac mi fydd y disgyblion yn ei mwynhau hi hefyd, rhai 13 oed i fyny. - Bethan Gwanas

Mae'r nofel yn adrodd stori ddirdynnol mewn ffordd drawiadol a chofiadwy. Mae pob pennod yn dechrau gyda cwestiwn i Josh, cwestiwn mae'n ceisio ei orau i'w ateb. Dyw hi ddim yn amlwg ar y dechrau pwy sy'n gofyn y cwestiynau, a pham. Mae'r stori'n cael ei datgelu'n raddol, gan gyrraedd diweddglo annisgwyl. Nid mwynhau yw'r gair cywir o gofio'r hyn sy'n digwydd yn y nofel, ond mae'r stori wedi'i hadrodd yn dda iawn gan awdur sy'n gwybod sut i ysgrifennu ar gyfer pobl ifanc. - Cerian Arianrhod, Gwales

Broliant

Un o 5 nofel Cyfres Copa ar gyfer yr arddegau, sy'n addas i'w defnyddio yn y dosbarth.

Ond baglu a llithro nath o.

Rhaid ei holi, Fyna fy job i. Dria i gael y stori i gyd.

Mae Josh a'i fam wedi dioddef ambell glec yn ddiweddar - y fam yn clecio'r botel a Josh yn gorfod ei hamddiffyn i'r eithaf.

Nofel yn llawn golygfeydd graffig ar ffurf holi ac ateb.

Hefyd yn y gyfres

Hefyd gan yr awdur

Mwy gan Esyllt Maelor