Ffreshars

Joanna Davies

Nofel afaelgar am fyfyrwyr sy'n cychwyn yn y brifysgol yn Aberystwyth. Dilynwn eu hanturiaethau rhywiol, meddwol a herfeiddiol o wythnos gyntaf y 'ffreshars' ym Medi 1991 tan ddiwedd tymor yr haf 1992. Ceir yma dri phrif gymeriad: Lois (y ddarpar gyfreithwraig naïf), Cerys (Jesebel y Neuadd Gymraeg), a Hywel (yr Efengýl hoffus).

ISBN: 9781843239680

Pris: £7.99

Adran: Ffuglen

Cyfrwng: Clawr Meddal

Iaith: Cymraeg

Nifer y tudalennau: 224

Mwy o wybodaeth

Adolygiadau

"Reiat o nofel yn llawn asbri dyddiau coleg - ond nid i'r gwangalon!" - Caryl Lewis, Gwales

Ma Ffreshars yn dechrau fel dyddiadur tri ffrind yn mynd i'r coleg ond yn cyrraedd lle annisgwyl o dywyll cyn y diwedd. Bechgyn drwg a merched gwaeth - tydi coleg yn hunllef!? - Llwyd Owen, Gwales

Mae'r tri ffrind er gwaethaf eu gwahaniaethau yn wynebu problemau tebyg, ac yn gorfod aeddfedu'n sydyn iawn wrth i gyfres o ddigwyddiadau eu gorfodi i wynebu cyfrifoldebau a thalu'r pris am eu gweithredoedd. Dyma nofel afaelgar, sy'n hawdd ei darllen; nofel sy'n sicr yn herio confensiynau. - Lowri Mair Jones, Gwales

Broliant

Mis Medi 1991, ac mae tri ffrind yn dechrau eu blwyddyn gyntaf yng Ngholeg Prifysgol Cymru, Aberystwyth: Lois, y ddarpar-gyfreithwraig naif sy'n ysu am golli ei morwyndod; ei ffrind gorau, Cerys, sex symbol y neuadd Gymraeg; a Hywel, yr Efeng-yl hoffus sy'n gorfod dewis rhwng ei deulu ceidwadol a dyheadau'i gorff a'i galon. Wrth i'r glasfyfyrwyr gychwyn ar anturiaethau gwyllt, dyw hi'n fawr o dro cyn i'w delfrydau am fywyd coleg gael eu chwalu... Dyma stori oesol am ddarganfod poenau a phleserau rhyw, alcohol a chyffuriau, a dathlu ieuenctid i'r eithaf er gwaetha'r canlyniadau. Ond mae hefyd yn nofel am herio confensiynau, wynebu cyfrifoldeb a thalu'r pris.

Hefyd gan yr awdur

Mwy gan Joanna Davies