| Yr Erlid (meddal) Heini Gruffudd Llyfrau eraill gan Heini Gruffudd
Llwyddodd Kate Bosse-Griffiths i ffoi o'r Almaen i wledydd Prydain yn 1937. Caru, priodi, cychwyn llenydda yng Nghymru a sefydlu Cylcg Cadwgan yn y Rhondda oedd ei hanes ar adeg pan droes y Natsiaid fywyd pobl yr Almaen ac Ewrop yn uffern.
Cafodd ei theulu ei erlid. Ceisiodd rhai fod yn rhan o'r system, roedd eraill yn ymdrechu i fyw er gwaetha'r system, ac eraill yn gwrthwynebu'n hunanaberthol.
Cefndir llawer o'r digwydd yw tref Wittenburg, lle y bu Martin Luther yn taranu i newid trefn yr Eglwys; taranodd hefyd yn erbyn yr Iddewon, a manteisiodd y Natsiaid ar hyn.
Seiliwyd yr hanes ar gannoedd o lythyrau, dogfennau ac adroddiadau'r teulu. Soniant am ymosodiadau Kristallnacht, bywyd o dan y drefn wallgof, manylion gwersylloedd carchar, ffoi i Shanghai, hunanladdiad a lladd.
Mae yma hanes o garu a chasau, gwarchod ac erlid, dyheu a dychryn yn y cyfnod mwyaf dinistriol a welodd Ewrop erioed.
Mae fersiwn clawr caled ar gael hefyd.
ISBN: 9781847714312
Adran: Cofiannol Hanes
Iaith: Cymraeg
£12.95
 Gellir lawrlwytho'r cyhoeddiad yma fel eLyfr, pris: £12.95
Ffurf(iau) ar gael: .epub; Beth yw 'epub'?
Mwy am eLyfrau Y Lolfa
Adolygiadau "Wrth fynd yn ei blaen, mae'r stori'n gafael, ac wedi cau'r cloriau mae dyn yn cael ei adael wedi'i addysgu, ei ysgwyd, ei sobreiddio a'i gyfareddu." - Cynog Dafis "Does gen i ddim gofod i fanylu ar yr erlid, y carcharu a'r lladd – rwy'n eich annog i brynu'r llyfr ac o'i ddarllen byddwch fel fi yn cyfrif eich bendithion ac yn gweddio na ddigwydd y camwri mawr fyth eto." - W.J.Edwards, Y Cyfnod "Math o hanes cymdeithasol yw hanes pob teulu, dim ond iddo gael ei ysrifennu gydag ymwybyddiaeth o'r cyd-destun ehangach. Gall ddod â ni'n nes at wead cymhleth cyfnod arbennig na gosodiadau mwy cyffredinol haneswyr proffesiynol. Dyma a ddigwydd yn achos cyfrol gofiadwy Heini Gruffudd am ei fam a'i theulu mewn cyfnod dirdynnol." - Ned Thomas, Barn "Mynnwch gopi o'r llyfr diddorol a phwysig hwn ac ar ben hynny gwahoddwch Heini Gruffudd i roi darlith i chi ar hanes ei deulu yn cael ei erlid gan y Natsiaid." - Emyr Llywelyn, Y Faner Newydd
|
|
