Reviews
Nofel fywiog a gafaelgar, â'i stori ddirdynnol yn llifo fel afon trwyddi.
- Dewi Prysor
... cwpwl o bennodau mewn i'r stori ffeindiais fy hun yn uniaethu mwy a mwy gyda [Lowri, y prif gymeriad], gan sylweddoli fod y teimlad o rhwystredigaeth 'na'n fwy agos at fywyd go iawn nag unrhywbeth arall dwi 'di ddarllen ynddiweddar. Fydd bywyd ddim yn berffaith- dyna beth gofiais i wrth ddarllen... Nofel andros o realistig yw Twll Bach yn y Niwl - mae'n stori sy'n gwrando arnon ni'n cwyno ar ôl diwrnod hir, ac yna'n adrodd stori embarrassing i wneud i ni deimlo'n well.
- Gwefan Y Stamp
Wyt ti erioed wedi syrthio mewn cariad â chymeriad cymaint rwyt ti jest isio neidio mewn i'r llyfr a threulio amser efo nhw?! Dwi wrth fy modd â Lowri – wnes i ddarllen 120 tudalen ddoe ond wedi arafu heddiw achos dydw i ddim am i'r stori orffen.
- Rebecca Roberts, Instagram
Mae hi'n nofel gynnes sy'n delio gyda themâu dwys, a ro'n i wrth fy modd gyda'r portread o'r cariad cynhaliol ro'dd ffrindiau a theulu'r prif gymeriad Lowri yn ei roi iddi'n ddiamau… Mai'n stori ro'n i fel darllenydd yn uniaethu â hi ar sawl lefel ac roedd hi'n braf darllens tori ro'n I'n teimlo oedd wedi'i sgwennu i fi yn y Gymraeg. Dwi'n edrych mlaen at ddarllen mwy o lais ffresh Llio Maddocks.
- Lico Llyfre Lot
Peth arall yr oeddwn yn hoff iawn ohonno oedd sut yr oedd y nofelau yn delio a themau eithaf twfn e.e problemau iechyd meddwl, trais, salwch
- Cadi, Llyfrgell Llandrillo
Wnes i rili joio hwn. Wnaeth e neud i fi chwerthin (lot!) a chrio a nawr i fi moyn pob person i fi'n nabod sy'n siarad Cymraeg i ddarllen e.
- Siani the Reader
Heb os, mae'r nofel yn un dwys a chignoeth ond ysgafn ac yn hawdd i'w ddarllen. Dyma nofel hollol unigryw, a nid oes nofel Gymraeg tebyg wedi'i hysgrifennu. Mae'n fywiog, yn llifo'n fendigedig, yn onest, doniol, torcalonnus a chyffrous i gyd ar yr un pryd.
- Llio Non, Son am Lyfra
Llongyfarchiadau Llioelain - wedi gwenu, chwerthin a gwingo, a dyna'r diweddglo perffaith!
- Bethan Gwanas, Trydar
Llyfr y flwyddyn i fi! Nofel hollol realistig a mor hawdd uniaethu hefo Lowri. Gobeithio gawn ni wybod be sy'n digwydd nesa iddi hi a'r criw!
- Cadi Rhys, Trydar
Dwisio gallu sgwennu fel Llio Elain! Mae Twll Bach yn y Niwl yn nofel a hanner. Dwi ddim yn cofio nofel Gymraeg arall yn disgrifio bod yn ifanc ac ar goll mewn ffordd mor real.
- Mair Jones, Trydar
Er bod y nofel yn dechrau ar nodyn ysgafn, mae'r awdur yn plannu themâu dwys drwyddi draw, fel hadau bach sy'n galluogi i'r nofel ddatblygu a thyfu'n stori sy'n fwy dirdynnol na hanes troeon twstan a bywyd carwriaethol trychinebus merch ifanc. Yn wir, roedd y dagrau'n powlio i lawr fy ngruddiau tua'r diwedd... Mae Twll Bach yn y Niwl yn nofel ddarllenadwy, lawn hiwmor sy'n pendilio'n gelfydd rhwng y llon a'r lleddf. Darllenwch!
- Non Mererid Jones, Western Mail Weekend Magazine
Pleser pur... cyfoes, hollol gredadwy... Mae Lowri'n gymeriad cymhleth, fel pawb. Mae'n grac, mae'n hunanol, mae'n anghyfrifol. Ond mae hefyd yn ddoniol, hynny yw mae'n ferch tri dimensiwn.
- Lowri Cooke, Y Silff Lyfrau, BBC Radio Cymru
