Reviews
Dadeni is an immensely satisfying fantasy thriller with dollops of well judged politics added for good measure. It contains strong hints of Neil Gaiman and Terry Pratchett: fans of either will find plenty here to like. Ifan Morgan Jones has created a rich fantasy world that deserves further exploration.
- Vaughan Roderick, Planet Magazine
Dyle Dadeni neidio'n syth i flaen ciw darllenydd. Fi bron a'i gorffen hi a gallaf gadarnhau ei bod yn hollol wych. Un o'r nofelau gorau i fi ddarllen.
- Llwyd Owen
Wedi rhyfeddu gyda'r gallu i gyfleu neges bwysig a grymus drwy blethu'r dychmygol a'r cyfarwydd mor llwyddiannus. Llongyfarchiadau!
- Bet Jones
Storïwr medrus yw Ifan Morgan Jones, yn plethu llinynnau storïol yn gelfydd ac atalnodi diwedd pob pennod â cliffhangers sy'n eich gadael yn ysu am fwy. Dilynwn y cymeriadau wrth iddynt dreiddio i fyd y Mabinogi a gweld sut rai fyddai'r duwiau petaent yn bodoli heddiw. Fe'm cyfareddwyd gan y syniad o'r cychwyn cyntaf, a gwelwn gymeriadau chwedlonol cyfarwydd ac anghyfarwydd yn dod i'r amlwg.
- Miriam Elin Jones
Mae yma awdur a chanddo adnoddau rhyfeddol... deallusrwydd sy'n disgleirio
- Fflur Dafydd
Stori ddifyr ffantasiol syn symud yn gyflym - roeddwn yn dychmygu'r holl antur fel ffilm blockbuster.Mae dawn gan yr awdur i adrodd stori gyffrous, ynhyrfus ar brydiau a'r gallu i arafu honno weithiau. Clamp o lyfr! Methu ei roi i lawr!
- Cylchgrawn Golwg
Does dim dadlau nad oes yma awdur â dychymyg; un sydd yn y nofel hon wedi ei ddylanwadu'n amlwg gan Neil Gaiman a'i nofel American Gods. Mae yna syniadau, y dychymyg, a'r gallu i ddweud rhywbeth am y Gymru sydd ohoni yn y nofel hon a hynny mewn genre y mae prinder ohono.
- Llyr Titus, Cylchgrawn Y Stamp
Mae Dadeni yn cynnwys cyfuniad eidial o ddyfeisgarwch, a pharch at glasuron ffantasi y gorffennol – ac at chwedloniaeth Cymru, wrth gwrs. Mewn oes lle 'da ni'n dod yn fwy ac yn fwy ymwybodol o gyfraniad Cymru at lên gwerin y byd, mae'n dda gweld bod ambell un yn parhau â'r stori.
- Elidir Jones, Fideo Wyth
Dwi wrth fy modd gyda'r byd mae Ifan Morgan Jones wedi ei greu yn Dadeni. Mae'n nofel sy'n gyfuniad o ffantasi a dirgelwch ynglŷn â byd ble mae'r chwedlonol a'r meidrol yn cyd-fyw...Mae'r ddau brif gymeriad yn gymhleth, yn gyfoethog, y ddau yn ymladd eu brwydrau personol eu hunain ac yn brwydro yn erbyn grymoedd arallfydol yr un pryd. Mae Dadeni yn nofel ddiddorol am sawl rheswm ac, er y defnydd o gymeriadau chwedlonol, mae'n un hynod gyfredol.
- Cerian Arianrhod, Gwales
