Breision

Jon Gower

Cyfrol o ddwsin o straeon byrion difyr a dieflig o ddyfnder dychymyg gan Enillydd Llyfr y Flwyddyn 2012. Yn ei gasgliad cyntaf o straeon byrion yn Gymraeg, cawn hanes y fampir olaf yng Nghlydach; mam-gu frawychus o lofruddiol; dyn sy'n mynd yn ddall ar ôl gweld merch hardd; beirdd Cymraeg yn troi'n sombis, ac arwres sy'n achub bywydau ei chyd-Ferched y Wawr gyda'i hymbarel.

ISBN: 9781848515475

Pris: £7.99

Adran: Ffuglen, Straeon Byrion

Cyfrwng: Clawr Meddal

Iaith: Cymraeg

Nifer y tudalennau: 146

Mwy o wybodaeth

Adolygiadau

Mae ffrwythlonder y dychymyg yn syfrdanol.
- Elan Closs Stephens (Cyfansoddiadau a Beirniadaethau Eisteddfod Genedlaethol Caerdydd a'r Cylch 2008), Gomer

Tasg amhosibl yw crynhoi holl briodoliaethau'r storïau hyn. Ceisiwyd gwneud hynny mewn brawddeg ar y clawr trwy gynnwys y geiriau 'difyr' a 'dieflig'. Ychwanegwch 'bisâr' ac 'absẃrd'. Ac eto, am ryw reswm annirnadwy, maen nhw'n gwbl dderbyniol a chredadwy. Ychwanegaf un gair arall – 'meistrolgar'.
- Lyn Ebenezer, Gwales

Broliant

Agorwch benglog Jon Gower a gall pethau od iawn arllwys mas: nid yw pethau bob dydd bob amser fel maen nhw'n ymddangos.
Yn ei gasgliad cyntaf o straeon byrion yn Gymraeg, cawn hanes y fampir olaf yng Nghlydach, mam-gu frawychus o lofruddiol; dyn sy'n mynd yn ddall ar ôl gweld merch hardd; beirdd Cymraeg sy'n troi'n sombis, ac arwres sy'n achub bywydau ei chyd-Ferched y Wawr gyda'i hymbarél.
Fel byddai rhywun yn ei ddisgwyl gan un o awduron mwyaf adnabyddus Cymru, nodweddir y straeon gan ddychymyg byw a naratif byrlymus. Mae'r naws yn dywyll ac yn dreisgar, ond mae ysgafnder a hiwmor crafog yn llechu yma hefyd.
Cyfrol newydd gan awdur Y Storïwr, enillydd Llyfr y Flwyddyn 2012.

Hefyd gan yr awdur

Mwy gan Jon Gower