Breuddwyd Siôn ap Rhys

Haf Llewelyn

Nofel hanesyddol am ddau frawd yn byw mewn tlodi gyda'u ewythr creulon ac yn ceisio dod o hyd i wybodaeth am eu mam a gyhuddwyd o fod yn wrach, ac a garcharwyd. Mae Haf wedi cyhoeddi sawl nofel hanesyddol i oedolion ac i blant, gan gynnwys Diffodd y Sêr am hanes y bardd Hedd Wyn.

ISBN: 9781847718419

Pris: £3.95

Adran: Arddegau, CA3 (11-14 oed), Ffuglen Arddegau

Cyfrwng: Clawr Meddal

Iaith: Cymraeg

Nifer y tudalennau: 96

Oedran darllen: 11-16

Mwy o wybodaeth

Adolygiadau

"Mae Breuddwyd Siôn ap Rhys yn addas ar gyfer darllenwyr da Blwyddyn 6, 7, 8 - a Blwyddyn 5 os ydyn nhw'n darllen yn wirioneddol dda. Nofel hanesyddol ydi hi, wedi ei gosod ym Meirionnydd yn 1590, sef cyfnod y Tuduriaid, cyfnod oedd yn bendant angen sylw yn y nofel Gymraeg. Mi wnes i fwynhau hon, ac mi fydd athrawon yn sicr yn falch iawn o'i gweld. Mae'n dod â'r cyfnod yn fyw yn gelfydd, fesul tipyn, a dwi'n siwr y bydd yn cydio yn nychymyg y darllenwyr. Ro'n i'n hoffi'r cymeriadau'n arw, yn enwedig Wmffra, y brawd bach sydd â gallu rhyfedd i drin anifeiliaid. Mi fyddai T. Llew Jones wedi mwynhau hon; roedd hi'n hen bryd cael nofel hanesyddol, llawn antur ar gyfer yr oedran yma, ac mi ddylai hon fod yn boblogaidd iawn." - Bethan Gwanas

"Mae'r stori'n llawn cyffro, y cymeriadau'n ddiddorol ac yn amrywiol a cheir elfen o ddirgelwch hefyd. Dyma stori dda iawn." - Helen Angharad Evans, Barn

Broliant

Mae Siôn a'i frawd yn gorfod byw gyda'u hewythr creulon ar ôl i'w mam gael ei chyhuddo o fod yn wrach a'i charcharu yn Nolgellau. Maent yn gorfod crafu byw trwy ddwyn bwyd o'r farchnad yn y Bala ac o ffermydd cyfagos ac mae Siôn yn breuddwydio am fywyd gwell. Daw tro ar fyd pan mae'n darganfod cyfrinach Ewyrth Simwnt.

Nofel am berthynas dau frawd a'u hantur wrth geisio dianc o grafangau tlodi ac ymdrechu i gael tegwch.

Hefyd yn y gyfres

Hefyd gan yr awdur

Mwy gan Haf Llewelyn