Brodyr a Chwiorydd

Geraint Lewis

Straeon byrion cyfoes sy'n archwilio'r haen denau sy'n cadw cymdeithas yn wâr, yn arbennig y berthynas arbennig rhwng brodyr a chwiorydd.

ISBN: 9781847717504

Pris: £8.95

Adran: Ffuglen, Straeon Byrion

Cyfrwng: Clawr Meddal

Iaith: Cymraeg

Nifer y tudalennau: 192

Mwy o wybodaeth

Adolygiadau

"Dyma gyfrol sy'n gwneud i chi feddwl am natur teuluoedd, a pha mor gymhleth yw'r hyn sy'n digwydd o fewn bywyd bobl teulu. Rhagorol. Dwi ddim yn darllen straeon byrion fel arfer, ond gyda'r gyfrol hon, mi es yn ôl at y straeon drosodd a thro, a sylwi ar yr holl haenau sydd i'w canfod ym mhob un. Ardderchog." - Catrin Beard, Rhaglen Dewi Llwyd, BBC Radio Cymru

"Mae Geraint Lewis yn haeddu'i ystyried ymysg ein hawduron mwyaf difyr ac yn sicr y mwyaf dyfeisgar a mentrus. Prin iawn yw llyfrau Cymraeg a gyhoeddwyd yn ystod y blynyddoedd diwethaf sy'n ymdrin ag agweddau didostur a seicolegol dywyll ein cymdeithas... O dro i dro teimlaf reidrwydd cryf i ailddarllen llyfr. Mae Brodyr a Chwiorydd yn sicr yn syrthio i'r categori hwnnw." - Gwyn Griffiths, Gwales

"Dyma gasgliad o straeon sy'n gweddu i'r dim i'w darllen ar nosweithiau hirion o flaen tanllwyth o dân ac awgrym o siffrwd anesboniadwy i'w glywed yng nghorneli tywyllaf y cysgodion." - Annes Glynn, Taliesin

Broliant

Bydd Mali'n treulio'r Nadolig gyda'i chwaer eleni. Mae ganddi rywbeth i'w ddweud ond a fydd Megan am ei glywed?

Mae'r Reesiaid yn dod ynghyd i drafod prynu'r hen gartre teuluol. Mae'n dod ag atgofion yn ôl am hen gêm ar iard yr ysgol y mae ei heffaith i'w theimlo hyd heddiw...

Pa ddigwyddiad sy'n dod â'r efeilliaid Owen a Hywel ynghyd ac a ydyn nhw wir yn nabod ei gilydd erbyn hyn?

Casgliad o straeon cyfoes sy'n taflu'r darllenydd oddi ar ei echel gyfforddus.