Beth sy'n eich gwneud yn Gymro? Canu ar dop eich llais ym Mharc y Sgarlets ar brynhawn Sadwrn oer a gwlyb? Cyfeillgarwch a chynhesrwydd pobl sy'n rhannu treftadaeth ddiwydiannol a diwylliannol? Neu'r teimlad yn y galon sy'n anodd i'w ddiffinio?
Aeth yr awdur Peter Daniels ar daith i chwilo am yr ateb, drwy ei hanesion personol fel alltud o Lanelli, trwy feddyliau ysgifennwyr a haneswyr talentog Cymru, ond yn fwy na dim trwy lygaid Cymry Llundain - dysgwyr Cymraeg yng Nghanolfan Cymry Llundain a chefnogwyr tim rygbi Cymry Llundain yn Old Deer Park. Bydd eu storiau yn taro tant i lawer, yng Nghymru a thu hwnt, a fagwyd yn ystod yr hanner can mlynedd diwethaf a welodd cenedl fechan yn brwydro i'w diffinio'i hunan. Maen nhw i gyd yn rhannu un peth - dymuniad i ddiogelu eu llinach Cymreig.