Mae trigolion pentre dychmygol Pantglas, de Cymru, yn wynebu newid byd wrth i'r gwaith mawr ar yr argae dyfu o'u cwmpas. Symud fydd eu hynt, ond cyn hynny bydd llawer o ddwr wedi mynd dan bont eu bywydau.
Daw'r nofel fyrlymus hon â chast niferus yn fyw wrth i ni ddilyn helyntion cymeriadau fel Cati'r siop, y Parchedig John "Pantglas" Jones, Pitar Wad a Mair Ty Cornel. Yng nghanol yr hiwmor, mae sawl cyfrinach yn cael ei datgelu a chyn i'r dyffryn gael ei foddi daw sawl trasiedi i sgil y trigolion.
Dyma nofel egniol sy'n nodweddiadol o ddawn unigryw Mihangel Morgan. Mae'n cyfuno hanes a dychymyg i greu darlun cofiadwy o fywyd pentref Cymraeg ar ddiwedd y bedwaredd ganrif ar bymtheg.