Chwilio am Sebastian Pierce

Tony Bianchi

Nofel am dwyll a dialedd. Pasg 1973: mae'r rhyfel yn Fietnam newydd ddod i ben, mae sgandal Watergate yn ei hanterth ac ar y Costa del Sol mae Byron a Huw yn cwrdd â Sebastian ac yn ildio i'w gyfaredd. Mehefin 2007: erbyn hyn, mae Huw yn ddyn tywydd ar y teledu ac yn darogan glaw trwm. Gwerthwr tai yng ngorllewin Cymru yw Byron. Daw tystiolaeth i'r golwg fod Sebastian yn dal yn fyw.

ISBN: 9781843239901

Pris: £7.99

Adran: Ffuglen

Cyfrwng: Clawr Meddal

Iaith: Cymraeg

Nifer y tudalennau: 296

Mwy o wybodaeth

Adolygiadau

"Ces fy nifyrru hyd at chwerthin! Ond wrth i'r storïwyr ddweud eu hanes, pa hunan-dwyll sydd ar waith? O atgyfodi'r gorffennol, sawl stori wir sydd yn y pen draw? Darllenwch, holwch, mwynhewch." - Mererid Hopwood, Gomer

Mae haenau storïol yn nodweddu gweithiau Tony Bianchi, ac fe wnaeth Chwilio am Sebastian Pierce fy nghadw'n effro – sy'n brawf pendant o nofel lwyddiannus. Dyw popeth ddim ar blat i'r darllenydd ond mae'r nofel hon yn sicr yn cynnig gwledd.
- Sioned Williams, Gwales

Broliant

Pasg 1973. Mae'r rhyfel yn Fietnam newydd ddod i ben, mae sgandal Watergate yn ei hanterth, ac ar y Costa del Sol mae Byron a Huw yn cwrdd â Sebastian ac yn ildio i'w gyfaredd. Ond mae eu chwarae'n troi'n chwerw a chyn diwedd y gwyliau mae corff y ffrind newydd yn gorwedd ar y creigiau. Mehefin 2007. Erbyn hyn, mae Huw yn ddyn tywydd ar y teledu ac yn darogan glaw trwm. Gwerthwr tai yng Ngorllewin Cymru yw Byron. Ac yn un o'r tai hynny, daw tystiolaeth i'r golwg fod Sebastian yn dal yn fyw. Mae'r chwilio'n dechrau. Dyma nofel am dwyll a dialedd sydd eto'n llawn hiwmor tywyll.

Hefyd gan yr awdur

Mwy gan Tony Bianchi