Mae hi'n 1923, ugain mlynedd wedi streic fawr Chwarel y Penrhyn ond, ers rhannu Bethesda mor llwyr, araf iawn y daw llewyrch yn ôl. Anodd gweld sut y gellir byth ailgodi muriau 'tŷ tangnefedd' - sef ystyr Beiblaidd enw'r dref - yn enwedig gan fod creithiau newydd wedi hagru'r lle yn sgil y Rhyfel Mawr. Ond ceisio byw sydd raid i deulu Bristol House - Edward Ellis, yr hen siopwr sydd hefyd yn flaenor yng Nghapel Jerusalem a'i ferch Grace, a orfodwyd i adael yr ysgol i ofalu am y siop pan fu farw ei mam; ei brawd Daniel, sydd bellach yn weinidog y Capel Mawr ym Mlaenau Ffestiniog, a'i wraig Laura. Ymdrechu i ddal ati hefyd wna Elen Evans, a adawyd yn weddw wedi i'w gŵr fethu dal pwysau'r streic, a'i theulu hithau yn Llwybrmain - ei meibion Tom ac Ifan: yr hynaf wedi torri'r streic er mwyn ei fam a'i frawd, a'r ieuengaf yn wrthwynebydd cydwybodol a gefnodd ar ei gartref erbyn hyn. Mae'r nofel hon yn ailymweld â bywydau'r cymeriadau hynny a wnaeth y fath argraff yn Rhannu'r Tŷ (2003) ac yn Streic: Dyddiadur Ifan (2004)
