"Efelychwyr Twmi Garnabwth ydoedd pob 'Rebecca' arall."
Caleb a Stephen M. Rees
"Heblaw bod yn hynod fel 'Becca' yr holl 'Feccaod', yr oedd Thomas Rees yn enwog ar gyfrif llawer o bethau eraill, megys canu..."
Ioan Cleddau
"Mae stori'r Becca bellach yn rhan o fytholeg y Preseli ond ychydig a wyddys am y prif actorion... Hyderaf y bydd cyhoeddi'r gyfrol hon yn fodd i chwalu tipyn o'r niwl sy'n dal i chwyrlio o amgylch bwthyn Carnabwth."
Glen George
Mae tair cyfrol Saesneg o safon wedi eu cyhoeddi ar helynt y Becca, a dim ond un gyfrol fer yn y Gymraeg. Ond dyma gofnod dadlennol ac astudiaeth fanwl o fywyd Thomas Ress, am y dylanwadau a fu arno, am hanes a naws y fro, ac am yr holl anghyfiawnderau a'r tlodi a arweiniodd at y terfysgoedd yng nghanol y 19eg ganrif.
Mae yma ffeithiau sy'n cael eu datgelu am y tro cyntaf erioed, erthyglau ac ysgrifau o'r cyfnod, dyfyniadau, ynghyd â cherddi a chaneuon am arweinydd cyntaf y Becca. Dyma gyfrol bwysig, nid yn unig am Twm Carnabwth, ond am sefyllfa'r oes a bywyd y trigolion yng nghefn gwlad gorllewin Cymru.