Geiriadur Daeareg a Gwyddorau Daear

Prif amcan y geiriadur pwnc hwn yw cyflwyno a diffinio'r termau hynny sy'n ymwneud â daeareg yn benodol a'r gwyddorau daear yn gyffredinol. Er bod sawl geiriadur daeareg, megis Challinor's Dictionary of Geology a Oxford Dictionary of Geology & Earth Sciences, i'w cael yn Saesneg dyma'r unig eiriadur Cymraeg ei iaith.
Mae i'r geiriadur hwn ddwy ran, yn gyntaf, geiriadur sy'n diffinio dros 1,800 o dermau Cymraeg, ac yn ail, mynegai Saesneg - Cymraeg sydd yn cynnwys dros 2,000 o dermau Saesneg, ynghyd â'r termau Cymraeg cyfatebol. Gan hynny, rhagwelir y bydd y geiriadur o gymorth mawr nid yn unig i ddisgyblion ysgol, myfyrwyr coleg, athrawon, darlithwyr a chyfieithwyr, ond hefyd i'r chwilotwyr hynny a chanddynt ddiddordeb arbennig yn y pynciau a ganlyn: daeareg, geomorffoleg a daearyddiaeth ffisegol.