Sara Mai a Lleidr y Neidr

Casia Wiliam

Mae Sara Mai yn ei hôl! Mae pob math o anifeiliaid diddorol yn sw Sara Mai, gan gynnwys neidr prin iawn. Ond pwy fyddai eisiau dwyn neidr? Stori ar gyfer darllenwyr 7-11 oed gan gyn-Fardd Plant Cymru, Casia Wiliam, sy'n cynnwys 6 llun arbennig gan Gwen Millward.

ISBN: 9781800991170

Pris: £5.99

Adran: Plant, Ffuglen Plant, CA2 (7-11 oed)

Cyfrwng: Clawr Meddal

Iaith: Cymraeg

Nifer y tudalennau: 128

Oedran darllen: 7-11

Mwy o wybodaeth

Gwobrau

Rhestr fer Gwobr Tir na n-Og 2022

Adolygiadau

Stori sy'n gafael o'r cychwyn cyntaf, yr ysgrifennu'n gelfydd, yn gymesur ac yn meddu ar hiwmor rhwydd. - Beirniaid Gwbor Tir na n-Og 2022

Cystal bob tamed [â'r cyntaf] yn fy marn i, ac mae na ddarnau ynddo fo wnaeth ddysgu gwers i mi. - Bethan Gwanas, Blog Gwanas

WAW! Am lyfr da... Dan ni yn siwr ar ol i chi ei ddarllen hefyd ei fod yn haeddu 10/10. Llyfr doniol werth ei ddarllen. Casia Wiliam rwyt ti'n awdures anhygoel. Da ni'n edrych ymlaen at y llyfr nesaf. - Cadi Doy, Celyn Williams a Scarlet Evans, Ysgol Maesincla, Papur Dre

Mae'r iaith naturiol, hawdd i'w darllen yn golygu bod llyfrau Sara Mai yn berffaith ar gyfer plant 7–11 oed, a byddwn yn argymell y rhain fel nofelau y dylai athrawon ystyried buddsoddi ynddynt. - Morgan Dafydd, Son am Lyfra

Broliant

Mae Sara Mai yn ôl, a'r tro hwn mae dirgelwch ar droed. Mae rhywun wedi dwyn neidr werthfawr iawn o Sw Halibalŵ, felly mae Sara, Oli a'r criw yn dechrau ar y gwaith pwysig o geisio darfanfod pwy yw lleidr y neidr. Fydd y plant yn dod o hyd i'r dihyryn? Ai rhywun diarth fydd yn gyfrifol, neu rywun sydd reit o dan eu trwynau?
Yn ddilyniant i "Sw Sara Mai" (enillydd Gwobr Tir na n-Og 2021), dyma nofel sy'n llawn hiwmor, anifeiliaid, ac ambell wers bywyd. O, a pw eliffant, wrth gwrs!

Hefyd gan yr awdur

Mwy gan Casia Wiliam