Y Pump - Robyn

Iestyn Tyne, Leo Drayton

Dyma'r bedwaredd o bum nofel yng nghyfres Y Pump. Mae Robyn ym Mlwyddyn 11 yn Ysgol Gyfun Llwyd, ac ar fin cychwyn ar daith i ddod i adnabod ei hunan go iawn. Ond a fydd pawb ym mywyd Robyn yn fodlon ymuno yn y daith?

ISBN: 9781800990647

Pris: £5.99

Adran: Arddegau, CA4 (14-16), CA5 (16+), Ffuglen Arddegau

Cyfrwng: Clawr Meddal

Iaith: Cymraeg

Nifer y tudalennau: 96

Mwy o wybodaeth

Gwobrau

Cyfres Y Pump - Enillydd Gwobr Tir na n-Og 2022 (Uwchradd)
Enillydd categori Plant a Phobl Ifanc a Gwobr Barn y Bobl - Llyfr y Flwyddyn 2022

Adolygiadau

Mae Robyn yn gymeriad dwi'n gallu uniaethu â'i sass a'i hiwmor! Absoliwtli wedi joio darllen. - Ellis Lloyd Jones

Yn ogystal â dilyn profiad Robyn fel person traws mae'r nofel hefyd yn gofnod pwysig o'r profiad o dyfu i fyny yn y Gymru gyfoes fel aelod o Generation Z, a'r hyn sy'n llywio bydolwg pobl ifanc heddiw. - Esyllt Einon

Y Pump (shameless self-promotion). Nid dim ond y profiad o weithio ar y gyfres yma sydd wedi newid fy mywyd ond hefyd y stori ei hun [Leo yw cyd-awdur y nofel Robyn gydag Iestyn Tyne]. Mae clywed llais a chymeriad rydw i'n gallu uniaethu hefo yn golygu'r byd i mi, a dw i mor werthfawrogol i Elgan Rhys ac Iestyn Tyne am greu'r nofel yma. - Leo Drayton yn Golwg yn ateb y cwestiwn, 'Y llyfr a newidiodd fy mywyd.'

Fe wnes i fwynhau'r nofel - wnes i ei darllen ar ei hyd mewn un sesiwn... Rhoddodd y nofel syniad da o sut mae pobl traws yn teimlo, ac yn meddwl; ac yn codi ymwybyddiaeth bwysig i'r mater. Mae'r awduron Iestyn Tyne a Leo Drayton wedi llwyddo i roi mewnwelediad emosiynol i bwnc sydd yn cael ei weld yn tabŵ i rai. Drwy roi bywyd a llais i gymeriad cryf iawn a fyddai wedi dioddef ar ben ei hunan, maent wedi uwcholeuo'r broblem nad ydy bobl traws yn cael eu cynrychioli mewn llenyddiaeth a'r cyfryngau. Mae stori Robyn yn fan cychwyn i ddatrys hyn, i ddangos bod pobl traws yn bobl ddylai cael eu cynrychioli, eu derbyn a'u parchu. - Branwen Clatworthy, Lysh.cymru

Broliant

Hefyd yn y gyfres

Hefyd gan yr awdur

Mwy gan Iestyn Tyne, Mwy gan Leo Drayton