Dyddiaduron personol Stephen Owen Tudor sydd yma, yn wreiddiol a chyflawn yn cofnodi ei deimladau, ei ofnau a'i obeithion wrth iddo gael profiadau erchyll mewn ymladdfa greulon a didostur. Ganwyd ef yn 1893 ar fferm fynydd Llwynygog, Staylittle, Sir Drefaldwyn, yr hynaf o 6 o blant. Yn 21 mlwydd oed gorfodwyd iddo gofrestru gyda'r Gwarchodlu Cymreig a'i anfon i ymuno â chyflafan waedlyd y Rhyfel Mawr.
Dyma gofnod hanesyddol, cymdeithasol a diwylliannol o bwys, gan ddyn ifanc sy'n defnyddio cyfeiriadau crefyddol a llenyddol er mwyn ceisio dirnad y ffolineb barbaraidd a brofodd.
Ganrif yn ddiweddarach mae llais cryf Stephen a'i ymateb gonest yn iasol o berthnasol i gymdeithas fodern, a'i "Ddyhead am Heddwch" yn adlais clir o'r union angen hwnnw am yr arweiniad roedd yn dyheu amdano mor amlwg drwy'r dyddiaduron.