Adolygiadau
Cofnod gwirioneddol ddifyr. Llond teras o ddiwylliant poblogaidd, o'r angerdd a'r emosiwn i'r hwyl a'r hiwmor iach. Ac mor dynn â'r berthynas rhwng y ffans a'r chwaraewyr, ceir sylwadau craff a chrafog am realiti cymunedau Cymraeg gan un o feddylwyr disgleiriaf Cymru. Wrth i'r gwareiddiad Cymraeg ddiflannu o flaen llygaid y byd, ai'r clwb pêl-droed cymunedol ac ymrwymiad arwrol y werin i'w gynnal fydd y faner olaf i chwifio uwchlaw y chwalfa fawr?
- Dewi Prysor
"Os wnewch chi benderfynu peidio prynu'r llyfr yma am ei fod yn llyfr am bêl-droed, mi fyddwch ar eich colled. Os prynwch chi o am eich bod dan yr argraff ei fod o'n llyfr am bêl-drode, mi gewch eich siomi. Y gwir ydi ei fod llawer mwy na hynny, ac yn un o'r llyfrau difyrra i mi eu ddarllen ers tro byd."
- Emyr Gruffudd, Cylchgrawn Barn
Llyfr pwysig ac amserol, wedi ei ysgrifennu yn dda iawn, ac yn eithriadol o ddoniol mewn mannau. Fe fwynheais i ei ddarllen yn fawr iawn.
- Ifan Morgan Jones, Nation.Cymru
Tri gair i ddisgrifio 'Adre' @SeimonBrooks 'gwych, gwych, gwych'Yn wrthrychol: craff, poenus, dadansoddol, trist a phert, difyr a dwys.Casgliad: ar fy rhestr fer o lyfr creadigol ffeithiol y flwyddyn.
- Mr I Thomas, Trydar
"'Sgen i ddim diddordeb o gwbl mewn ffwtbol ond diawch wnes i fwynhau ADRA gan SeimonBrooks yn fawr. Dan deimlad go iawn erbyn diwedd. Cofnod dychmygus, heriol ond darllenadwy drwyddi draw."
- Jon Gower, Trydar
"Diddorol, craff, pwysig, gwleidyddol, cyfredol. Gwych!"
- Trydar
"Llyfr unigryw ac arbennig, am gymdeithas glos ble ma' cariad y bobl at ei gilydd yn parhau er gwaethaf pawb a phopeth... Da iawn Brooks. 9/10."
- Wyn Williams, Y Cymro
"Mae rhaid edmygu Simon Brooks am allu cyflwyno sylwebaeth athronyddol graff gan gadw naws hoffus sy'n ymdebygu i hen bennod o "C'mon Midffild". Mae'n siŵr eich bod yn amau effeithiolrwydd y fath 'mash-up', ond rwyf innau erbyn hyn ei gweld hi'n anodd dychmygu ffordd fwy triw i'r Gymraeg o archwilio bywyd yn y Gorllewin na thrwy gadw Bryn Coch mewn cof."
- Y Stamp