O'r Llinell Biced i San Steffan

Sian James, Alun Gibbard

30 mlynedd yn ôl chwaraeodd Siân rôl allweddol yn Streic y Glowyr pan oedd yn gyfrifol am redeg canolfannau bwydo'r streicwyr a'u teuluoedd. Yn 2005 cafodd ei hethol fel A.S. yn cynrychioli Dwyrain Abertawe, ac mae'n ffigwr amlwg yn y ffilm Pride.

ISBN: 9781784611132

Pris: £1.00

Adran: Cofiannol, Gwleidyddiaeth, Hunangofiant

Cyfrwng: Clawr Meddal

Iaith: Cymraeg

Nifer y tudalennau: 96

Mwy o wybodaeth

Adolygiadau

"Mae angerdd Siân dros achos y glowyr yn amlwg o'r dudalen gyntaf... Brith gof sydd gen i o'r streic, ac mae atgofion yr awdures yn pwysleisio pa mor gryf roedd teimladau yng nghymunedau glofaol De Cymru, a pha mor ymfflamychol roedd pethau ar adegau... Mae'r gyfrol yn gorffen gyda Siân James yn dechrau ar ei gyrfa seneddol – gyrfa daeth i ben eleni. Fe fyddwn i wedi hoffi clywed ychydig mwy am yr hyn wnaeth hi yn San Steffan, ond nid stori sydyn fyddai hynny, ac mae eisoes yn wyrth fod cymaint wedi'i wasgu i un gyfrol fechan! Er natur gywasgedig y bywgraffiad, fy nheimlad wrth orffen darllen oedd y buaswn i'n hoffi cwrdd â'r awdures am baned a sgwrs, ac mae hynny'n gryn gamp mewn cyn lleied o dudalennau." - Cerian Arianrhod, Gwales.com

Broliant

Teitl yn y gyfres o gyfrolau byr a chyflym Stori Sydyn. 30 mlynedd yn ôl chwaraeodd Siân rôl allweddol adeg Streic y Glowyr pan oedd yn gyfrifol am redeg canolfannau bwydo'r streicwyr a'u teuluoedd. Cafodd ei phortreadu yn y ffilm Pride. Yn 2005 cafodd ei hethol fel A.S. i gynrychioli Dwyrain Abertawe.

Hefyd yn y gyfres