Hugh Griffith

Hywel Gwynfryn

Cofiant i'r actor ffilm a llwyfan byd-enwog Hugh Griffith, o Farian-glas, Ynys Môn. Gan ddefnyddio llythyrau, adolygiadau, dyddiaduron a lluniau unigryw o archif personol y teulu fe'n tywysir trwy gyfrwng geiriau a llais yr actor ei hun o Angorfa, Marian-glas, i lwyfannau Stratford, y West End ac i setiau ffilm Hollywood lle cipiodd wobr Oscar.

ISBN: 9781848512832

Pris: £9.99

Adran: Cofiannol, Cofiant, Sir Fôn

Cyfrwng: Clawr Meddal

Iaith: Cymraeg

Nifer y tudalennau: 208

Mwy o wybodaeth

Adolygiadau

Dyma gofiant eithriadol o ddifyr i Hugh Griffith, yr actor o Farian-glas, wedi ei ysgrifennu fel hunangofiant, a hynny yn dra effeithiol. - John Owen, Gwales

Broliant

Fel dewin geiriau mae Hywel Gwynfryn yn consurio'r actor Hugh Griffith yn fyw o flaen ein llygaid yn y cofiant cofiadwy hwn.

Gan ddefnyddio llythyrau, adolygiadau, dyddiaduron a lluniau unigryw o archif personol y teulu fe'n tywysir yng ngeiriau a llais yr actor ei hun o Angorfa, Marian-glas i lwyfannau Stratford, y West End ac i setiau ffilm Hollywood. Ac at Oscar.

Ar lwyfan fel Falstaff, ar ffilm fel y sheik yn Ben Hur neu ar y teledu fel Caradog Lloyd-Evans yn Grand Slam roedd personoliaeth fawr a dawn fawr Hugh Griffith yn amlwg i bawb; ond yn y gyfrol hon mae Hywel Gwynfryn yn datgelu ochr llai cyhoeddus a phreifat dyn ansicr a gofidus. Beth oedd yn llechu y tu ôl i'r partïon gwyllt a'r 'llygaid Hen Destament' 'na?

Dyma gofiant sy'n haeddu carped coch a ffanffer ynddo'i hun.

Hywel Gwynfryn yw un o ddarlledwyr mwyaf blaenllaw Cymru. Er ei fod yn byw yng Nghaerdydd ers blynyddoedd y mae yntau, fel Hugh Griffith, yn Fonwysyn at fêr ei esgyrn.

Hefyd gan yr awdur

Mwy gan Hywel Gwynfryn