Dolenni Hud

Owen Martell

Casgliad o ryddiaith sydd wedi'i lleoli mewn ardaloedd gwahanol yn America a enwyd ar ôl enwau lleoedd yng Nghymru, megis Llangollen, Llandaff, Cardiff, Bangor a Neath. Yn cynnwys ffotograffau o'r gwahanol leoliadau.

ISBN: 9781848510326

Pris: £12.99

Adran: Cofiannol, Hanes, Straeon Byrion, Ffotograffiaeth, Ysgrifau

Cyfrwng: Clawr Meddal

Iaith: Cymraeg

Nifer y tudalennau: 168

Mwy o wybodaeth

Adolygiadau

Fe'm cyfareddwyd gan Dolenni Hud. Mae'r storïau hyn yn dewino awyrgylch ac yn dadlennu bwriadau yn y modd doeth a diymdrech yr ydym wedi dod i'w ddisgwyl gan un o awduron pwysica'r iaith. Mae llyfr newydd gan Owen Martell megis carreg filltir yn natblygiad rhyddiaith Gymraeg gyfoes.' - Grahame Davies, Gomer

...mae'r rhyddiaith yn y gyfrol yn canu, yn creu darluniau byw o fywyd pentrefi a threfi bychain gogledd-ddwyrain America. Ac yn gyfeiliant i'r geiriau mae lluniau lliwgar ac awgrymog Simon Proffitt yn dal darn o'r America wledig sy'n prysur ddiflannu. - Iwan Llwyd, Gwales

Broliant

Mae chwe stori a deugain ffotograff Dolenni Hud yn ymrithio Cymru arall, gwlad sydd ar yr un gwynt yn gyfarwydd - Bangor, Cardiff, Llangollen - ac yn gwbl estron. Mae'r gyfrol arbennig ac unigryw hon yn chwilio'r cysylltiadau cudd rhwng y ddau, a'r cydio anweledig rhwng tirlun a ffurf a pherson y 'rhagor' hwnnw sydd 'rhwng enw ac enw'.