Dyma gyfrol syn olrhain hanes y ddau frawd diymhongar a gweithgar Richard a Wyn Jones a'r band Ail Symudiad - band sydd wedi chwarae mewn pum degawd ers eu gig cyntaf yn Aberteifi. Yn eu hanterth roedden nhw'n perfformio 50 o weithiau mewn blwyddyn ac mae hiwmor y ddau'n amlwg wrth adrodd hanes troeon trwstan eu gigs dros Gymru gyfan.
Mae'r gyfrol hefyd yn sôn am sefydlu cwmni recordio a stiwdio Fflach. Erbyn hyn mae dros 400 o deitlau yn eu catalog a sefydlwyd dau label arall, sef fflach:tradd a Rasp. Mae'r cwmniau'n dal i fynd o nerth i nerth.
Mae CD am ddim gyda'r gyfrol, sy'n cynnwys caneuon cyfarwydd ac anghyfarwydd y band unigryw hwn.
Ceir cyfraniadau a theyrngedau gan rai sy'n adnabod Richard a Wyn, yn ogystal â lluniau a disgyddiaeth gyflawn.