Nico

Leusa Fflur Llewelyn

Nofel i ddisgyblion Bl. 7-9 i'w darllen ar y cyd fel dosbarth neu fel unigolion. Mae Nico yn cydblethu digwyddiadau ar lan Llyn Celyn heddiw ag elfennau ffantasi gwlad Selador.

ISBN: 9781847716811

Pris: £4.95

Adran: Arddegau, Ffuglen Arddegau, CA3 (11-14 oed)

Cyfrwng: Clawr Meddal

Iaith: Cymraeg

Nifer y tudalennau: 128

Oedran darllen: 11-15

Mwy o wybodaeth

Adolygiadau

"Mae cynllun y stori yn glyfar iawn a dyma awdures sy'n medru llunio disgrifiadau prydferth a chreu cymeriadadu annwyl agos-atoch. Gyda'r stori yn symud rhwng dau leoliad, mae'r tensiwn yn cynyddu erbyn uchafbwynt y nofel a cheir diweddglo cyffrous." - Helen Angharad Evans, Barn

"Roeddwn i'n meddwl bod y stori'n un anturus iawn a chefais fy hudo ganddi. Dyma nofel hynod o dda oherwydd roedd dwy stori yn cydredeg, ond ar ei diwedd daw'r ddwy ynghyd i greu un stori dda. Fy hoff gymeriad i oedd Melangell Wyn – mae hi'n un ddrygionus fel fi! Roedd y llyfr yn hawdd iawn i'w ddarllen. Mae'r awdur wedi'i ysgrifennu mewn arddull sgyrsiol iawn. Yr hyn sy'n braf am y llyfr yw ei fod yn wreiddiol ac nid yn stori wedi ei chyfieithu. Rwy'n siwr y bydd pawb yn mwynhau'r llyfr er iddo gael ei anelu at blant yn eu harddegau cynnar." - Gwen Down, Gwales

Broliant

"Helôô! Mae Nico Morgan isho gwybod oes 'na rywun yna?"

"Nac oes," atebodd y gwynt, a theimlai Nico mai fo oedd yr unig un ar ôl yn y byd mawr crwn.

Un noson, mae byd Nico'n troi ben i waered ar ôl dod o hyd i neges mewn potel yn nwr rhewllyd Llyn Celyn. Mae'n canfod ei hun mewn antur lle mae pawb a phopeth cyfarwydd yn troi'n fygythiad...

Mae rhywun wedi dwyn Cloc Tywod Selador, a hebddo mae'r blaned i gyd yn gwywo'n gyflym. Mae amser yn brin, a thrigolion Selador mewn perygl enbyd, ond sut all Nico helpu?

Hefyd yn y gyfres

Hefyd gan yr awdur

Mwy gan Leusa Fflur Llewelyn