Tro ar Fyd

Casgliad o ysgrifau bywiog sy'n darlunio bywyd bob dydd yn nwyrain Ewrop a'r gwledydd Arabaidd rhwng chwyldro 1989, pan chwalwyd y drefn gomiwnyddol, a 2012, pan heriwyd unbeniaid y gwledydd Arabaidd.

ISBN: 9781847716514

Pris: £9.95

Adran: Cofiannol, Hanes

Cyfrwng: Clawr Meddal

Iaith: Cymraeg

Nifer y tudalennau: 192

Mwy o wybodaeth

Adolygiadau

"Mae cymdeithasau gwledydd mor wahanol â Gwlad Pwyl, Rwmania, Syria, Yemen ac Uzbekistan yn neidio'n fyw oddi ar y tudalen trwy'u geiriau nhw... Darllenwch y llyfr gwych yma. Fe gewch eich cyfoethogi yn enfawr ganddo." - Pedr Jones, Barn

"Good travel writing in Welsh is as scarce as dotterels, so this series of co-authored essays comes as a welcome edition to the bookshelf... Collectively the short essays concertina together to produce a simple and sustaining song about a changed and changing world. - Jon Gower, Planet

Broliant

Cofio'r enwogion mae hanes yn y pen draw, ond mynd yn ei flaen mae bywyd a chael y deupen ynghyd yw'r gamp i'r werin ddienw beth bynnag fo'r drefn wleidyddol. Yn y gyfrol hon felly, awn i fyd y sawl na fydd iddynt ddim cofeb, chwyldro neu beidio, ac i isfydoedd na chlywir fawr sôn amdanynt fel arfer: byd y cerddor ar heolydd Gwlad Pwyl yn oriau mân y bore; byd y merched yng nghymdeithasau traddodiadol Yemen a Syria; byd y tyddynnwr gwydn yn nghefn gwlad Rwmania. Awn yno i gwrdd â'r bobl y bydd hanes yn eu hanghofio. Awn yno i weld, i wrando, i holi ac i ddeall mwy am dreftadaeth fregus y ddynoliaeth.