Ffrind bore oes Margaret Morris, Coed Ffynnon, yw John, mab y gwas. Wrth i'w perthynas dyfu'n fwy na chyfeillgarwch, gwelwn fod cariad ifanc yn gallu bod yn greulon ac yn gymhleth ar y gorau. Ond mae ei thad â'i lygad ar Richard Morgan, Bryn Celyn, fel gwr addas iddi. A fydd hi'n haws i Margaret ildio i bwysau teuluol?
Beth sy'n wynebu'r tri ifanc wrth iddyn nhw dyfu lan mewn cymuned glan y môr glos yng Ngheredigion? Mae'r stori afaelgar hon yn mynd â ni 'nôl i'r cyfnod pan oedden nhw'n dechrau archwilio eu hemosiynau ac yn darganfod peth mor bwerus yw cariad.
Dyma gyfle i ddilyn straeon newydd am dri o brif gymeriadau'r gyfres boblogaidd "Teulu" ar S4C. Mae'n ddarlun lliwgar a chyffrous o fywyd yn ardal Aberaeron ar ddiwedd y chwedegau a dechrau'r saithdegau, yn y cyfnod pan ddechreuodd pobl ifanc wrthryfela yn erbyn gerthoedd ceidwadol eu rhieni.
