Ar y trên rhwng Paddington a Chaerdydd, mae Angharad Gwyn yn darllen trwy broflenni cyfrol deyrnged i'w thad, Ifan, cerddor llwyddiannus. Wrth i ni ddarllen gyda hi, mae'n dechrau hel atgofion am ei phlentyndod anarferol yng Nghaerdydd - atgofion am y crwban ac Yvonne, am chwarae angladdau ac angladdau go iawn, am gariad diamod Myng-gu ac Anti June o Lanybydder, a'r syniad bod popeth yn y byd yn iawn os oedd Dad yn dweud. Ac eto, wrth i'r trên ddynesu at ben ei daith, daw'n amlwg nad yw popeth fel y dylai fod...
Dyma nofel arobryn y Fedal Ryddiaith yn Eisteddfod Genedlaethol Cymru Caerdydd a'r Cylch 2008.
"Llyfr swynol, dirdynnol, lle mae meddwl yn troi'n emosiwn fel yng ngweithiau George Eliot a Kate Roberts. Dyma gyfrol fydd, yn ddi-os, yn cyfoethogi ein llên gyfoes."
Aled Jones Williams
"...drwodd a thro mae'r nofel hon yn taro deuddeg mewn ffordd synhwyrus a barddonol."
Aled Islwyn
"Fe'm hudwyd gan y nofel hon."
Catrin Beard