Oedolyn (ish!)

Melanie Owen

Dyma hunangofiant creadigol Melanie Owen wedi'i gyflwyno ar ffurf casgliad o wersi mae hi wedi'u dysgu hyd yma. Cawn ddysgu sut gyrhaeddodd lle mae hi heddiw, cawn fewnwelediad i'w gyrfa, a beth mae hi'n gorfod gweithio arno'n fewnol er mwyn sicrhau ei bod yn parhau i adeiladu a bod yn hapus.

Rhag-archebwch nawr - byddwn yn postio eich copi ar gyhoeddi, sef y 1af o Hydref 2024.

ISBN: 9781800996212

Pris: £10.99

Adran: Cofiannol, Hunangofiant, Hamdden

Cyfrwng: Clawr Meddal

Iaith: Cymraeg

Nifer y tudalennau: 304

Mwy o wybodaeth

Adolygiadau

Mae dawn Mel i ddweud stori dda ar lwyfan wedi trosglwyddo i'r dudalen. Os ydych chi'n hoffi chwerthin, darllenwch y llyfr yma! - Mari Beard

Ymddangosodd Mel ar y sin gomedi Gymreig fel chwa o awyr iach, a nawr mae hi wedi dod â'r chwa i lyfrau Cymraeg gyda'i dawn greadigol arbennig fel llenor. Mae Mel yn cyfoethogi'r diwylliant Cymreig yn enfawr - Elis James

Peth prin yw cofiant gan rywun 29 oed. Ond mae Melanie Owen, digrifwr, sgriptiwr, podlediwr a chyflwynydd o Geredigion, wedi penderfynu rhannu'r gwersi mae hi wedi eu dysgu yn ei hugeiniau. A does ryfedd, gan eu bod hi eisoes wedi byw bywyd llawn cyffro. Fe gawn son am ei magwraeth yng nghefn gwlad Ceredigion, gan dynnu sylw'n gynnil at yr hiliaeth feunyddiol mae hi'n ei brofi fel merch aml-hil, ac yn rhoi swadan haeddiannol i'r rheiny sy'n dal i wneud y fath beth. - Non Tudur, Golwg

Dyma lyfr fydd yn sobri darllenwyr ac yn gwneud iddynt forio chwerthin. - Y Cymro

Broliant

Mae Melanie Owen ar fin troi'n dri deg, ac wrth edrych yn ôl ar ei hugeiniau, mae hi wedi sylweddoli cymaint o gamgymeriadau wnaeth hi. O ddifri, mae 'na lwyth ohonyn nhw. A dweud y gwir, mae'n eithaf trawiadol sut mae un unigolyn yn gallu gwneud cymaint o lanast.

Ond fel mae sawl person doeth wedi'I ddweud (Socrates, Buddah, Huw Ffash), mae camgymeriadau yn gyfleoedd i ddysgu, felly dyma Melanie yn trawsnewid ei methiannau i wersi bywyd.

O osgoi PDA amhriodol o flaen murlun Cofiwch Dryweryn, i beidio â dwyn brecwast Hugh Jackman reit o flaen ei wyneb, mae Oedolyn (ish!) yn gasgliad o wersi mae Melanie wedi eu dysgu fel nad oes rhaid i chi wneud.