Darganfod ac Ysbrydoli

Darlithoedd a Sgyrsiau Gwyddoniaeth a Thechnoleg - Eisteddfod Llŷn ac Eifionydd 2023

Bryn Hughes Parry

Mae'r cyhoeddiad hwn yn deillio o gyfres o ddarlithoedd a sgyrsiau yn y Pentre' Gwyddoniaeth a Thechnoleg yn Eisteddfod Llŷn ac Eifionydd, 2023. Nid yw'n cynnwys yr holl ddarlithoedd ond yn hytrach ddetholiad o rai ohonynt. Amcan ychwanegol i'r gyfrol yw rhoi cyfle i wyddonwyr a pheirianwyr ifanc ar gychwyn gyrfa i rannu eu gwaith a'u darganfyddiadau gyda chynulleidfa ehangach.

ISBN: 9781800996014

Pris: £9.99

Adran: Ysgrifau, Cofiannol

Cyfrwng: Clawr Meddal

Iaith: Cymraeg

Nifer y tudalennau: 160

Mwy o wybodaeth

Adolygiadau

Paratowch eich hunain am daith hyfryd o wybodaeth, lle mae cyfrinachau'r bydysawd a digrifwch yn cydgyfarfod mewn cyfrol arbennig. - Dr Tomos Gwyn Williams

Mae'r gyfrol hon yn drysor o ryfeddodau a gyflwynwyd mewn darlithoedd a sgyrsiau difyr yn Eisteddfod Llŷn ac Eifionydd. Bydd yn ysgogi chwilfrydedd unrhyw un sydd â diddordeb mewn gwyddoniaeth a thechnoleg. Diolch i Bwyllgor Gwyddoniaeth a Thechnoleg yr Eisteddfod am y weledigaeth o'i chyhoeddi. - Yr Athro Eleri Pryse

Mae'r gyfrol hon yn crynhoi hanfod ac amrywiaeth y gweithgareddau a gynhaliwyd yn ystod wythnos yr Eisteddfod, gan gynnwys ymchwil flaengar a thrafodaethau craff gan wyddonwyr a thechnolegwyr blaenllaw yn eu maes.
Mae pob cyfraniad wedi'i gynllunio i ysbrydoli, addysgu, ac ysgogi chwilfrydedd, gan wneud pynciau cymhleth yn hygyrch i bawb. - Y Cymro

Tabl Cynnwys

Rhagair - Dr Bryn Hughes Parry
Y Fedal Wyddoniaeth a Thechnoleg, Eisteddfod Llŷn ac Eifionydd 2023: yr Athro Alan Shore - Teyrnged yr Athro Eleri Pryse
Cerdd y Prifardd Guto Dafydd
Podlediad Sain Deall - Cyflwynwyr: Tom a Deiz; gwesteion: Mel Owen a Dr Bryn Hughes Parry
Darlith Goffa Syr David Hughes Parry a Dr Robert Hughes Parry: Iaith a'r Ymennydd - Yr Athro Rhys Davies
Hyfforddi firysau i dargedu canser - Dr Luned Badder
Etifeddiaeth Yr Athro John Owen "JO" Williams: Gwyddonydd arloesol ac ysbrydoli meddyliau - Yr Athro Andrew Evans
Mil o Alwadau – Huw Geraint a'i etifeddiaeth barhaus mewn milfeddygaeth - Dr Malan Hughes
Cipolwg ar Ddeintyddfa'r Dyfodol - Dr Aimee Sarocco-Jones, Dr Lois Parry-Jones, Dr Dylan Parry-Jones a Mari Morgan
Chwyldro Amaethyddiaeth: Dyfodol technoleg tractor dros yr 20 mlynedd nesaf - Emyr Evans
Yr economi gylchol mewn amaethyddiaeth - Dr Gruff Jones
Ditectif Siarcod – Prosiect SIARC - Jake Davies
Esblygiad data mewn pêl-droed: o reddf i arloesi - Tomos Owen ac Iwan Pritchard
Y Swyddfa Batentau - Robin Rhys Jones
Gwyddoniaeth Coginio - Meirion Roberts

Broliant

Dyma ddetholiad o ddarlithoedd a sgyrsiau o'r Pentref Gwyddoniaeth a Thechnoleg yn Eisteddfod Genedlaethol Llŷn ac Eifionydd, 2023, wedi'i guradu gan Dr Bryn Hughes Parry, Cadeirydd y Pwyllgor Gwyddoniaeth.

Mae'r gyfrol yn crynhoi hanfod ac amrywiaeth y gweithgareddau a gynhaliwyd yn ystod wythnos yr Eisteddfod, gan gynnwys ymchwil flaengar a thrafodaethau craff gan wyddonwyr a thechnolegwyr blaenllaw yn eu maes. Mae pob cyfraniad wedi'i gynllunio i ysbrydoli, addysgu, ac ysgogi chwilfrydedd , gan wneud pynciau cymhleth yn hygyrch i bawb. O siarcod i dractorau'r dyfodol, o dargedu celloedd canser i goginio'r stecen berffaith, mae yma rywbeth at ddant pawb.