Bywyd a Gwaith yr Artist Ogwyn Davies / Ogwyn Davies - A Life in Art

Ceri Thomas

Llyfr dwyieithog yn olrhain hanes bywyd a gwaith yr artist Ogwyn Davies gan olrhain ei yrfa lewyrchus. Bydd y gyfrol yn sôn am ei addysg a'i gynefin a'i ddylanwadau mewn manylder, ei gariad at yr iaith, at Gymru a'i phobol. Bydd yn manylu am ei dechnegau amrywiol gan sôn am ei gariad tuag at ddysgu ac yna weithio ym maes crochenwaith.

*Byddwn yn anfon eich copi ar gyhoeddi, ar y 30ain o Orffennaf 2022

ISBN: 9781800992191

Pris: £14.99

Adran: Cofiannol, Cofiant, Celf

Cyfrwng: Clawr Meddal

Iaith: Dwyieithog

Nifer y tudalennau: 160

Mwy o wybodaeth

Adolygiadau

Newydd gael fy nghopi o lyfr sy'n deyrnged i fy athro Celf yn Ysgol Uwchradd Tregaron slawer dydd ac yn edrych ymlaen at bori trwy'r gyfrol hardd hon. Roedd Ogwyn yn ddyn hyfryd ac yn athro da ac fe agorodd fy llygaid i werthfawrogi celfyddyd gain a'm perswadio i fynd ar gwrs i Goleg Celf Abertawe. Roedd hefyd yn artist o sylwedd na chafodd ei gydnabod ddigon yn ystod ei oes. Da oedd gweld iddo gael sylw teilwng Eisteddfod Fawr Tregaron. - Wynne Mellvile Jones, erthygl yn Golwg

Wrth bori yn y gyfrol hardd, ddwyieithog hon mae modd rhannu gweithgaredd amlarddull Ogwyn Davies yn dair rhan: ei baentiadau o adar; addoldai ac ysguboriau Ceredigion, a'i ddathliadau o Hen Wlad fy Nhadau, a 6,721 – mwyafrif refferendwm Datganoli 1997. Gobeithio y bydd y gyfrol yn arwain at ragor o rai tebyg i ychwanegu at lyfryddiaeth celf Cymru. - Robyn Tomos, Cylchgrawn Barn

Broliant

Mae'r gyfrol hardd hon yn olrhain bywyd, celf a gyrfa un o artistiaid mwyaf nodedig Cymru er 1945. Yn wreiddiol o drebannws yng Nghwm Tawe, dechreuodd Ogwyn Davies feithrin ei grefft yn Nhregaron, lle ymgartrefodd am drigain mlynedd, gan greu delweddau trawiadol wedi'u hysbrydoli gan gefn gwlad a'r iaith Gymraeg. Mae ei luniau cofiadwy yn cyfuno technegau arbrofol, caligraffeg a chyfryngau cymysg, a chynhyrchodd grochenwaith caboledig hefyd.

Dyma artist y mae ei angerdd dros Gymru a'r Gymraeg yn disgleirio yn ei gelfyddyd a dim ond nawr y mae maint ei gyfraniad i'r genedl a'i diwylliant yn cael ei gydnabod yn llawn.

Hefyd gan yr awdur

Mwy gan Ceri Thomas