Does dim llawer gan Marty. Yn wahanol i'w fam, sydd â biliynau o bethau: papurau newydd, sgidiau tyllog, fframiau wedi torri - mae'n cadw POPETH. Mae eu tŷ bron yn llawn dop. Mae Marty'n gwneud ei orau i edrych ar ôl ei fam ac yn meddwl a fydd unrhyw beth byth yn newid.
Ond ar ben-blwydd Marty, mae Tad-cu yn rhoi hedyn arbennig iawn iddo. Dyw Tad-cu ddim wedi bod mor gyffrous â hyn ers iddo ddyfeisio'r Crafwr Pen-ôl 2000, neu ddychmygu ei fod wedi creu tanwydd gwyrthiol o ddail riwbob! Mae'r hedyn yn tyfu a thyfu, ac yn mynd â Tad-cu, Marty a'i ffrind gorau Gracie ar antur hudol, amhosib, sy'n llawn cariad, gobeithion a breuddwydion.