Stryd y Gwystlon

Jason Morgan

Casgliad o 7 stori fer gyfoes a gafaelgar i oedolion. Un stryd yng ngogledd Cymru... un Sadwrn glawog... ond mae'r bobl sy'n byw ochr yn ochr yn wahanol iawn i'w gilydd. Dyma gyfrol gyntaf Jason Morgan awdur blog a'r golofn wythnosol 'Hogyn o Rachub' yng nghylchgrawn Golwg, ac un sy'n fywiog iawn ar-lein.

ISBN: 9781800992054

Pris: £8.99

Adran: Ffuglen, Straeon Byrion

Cyfrwng: Clawr Meddal

Iaith: Cymraeg

Nifer y tudalennau: 112

Mwy o wybodaeth

Adolygiadau

Mae o'n arddel iaith flodeuog, gyfoethog, a gyda chymaint o fri yn cael ei roi ar sgrifennu cynnil, mae hynny'n rhywbeth anghyfarwydd heddiw. - Branwen Mair Llewellyn, erthygl Golwg

Cipolwg ydy'r gyfrol hon ar gymeriadau sy'n Gymry modern. Weithiau'n deimladwy, weithiau'n ddigri - mae bywyd yn ei gyfanrwydd cnotiog, rhyfeddol yma. Cyfres o straeon trawiadol wedi'u gweu yn gelfydd - profiadau mawr bywyd wedi'u profi ar stryd fach. - Delyth Jewell

... mae Jason Morgan ar ei orau pan yw'n dychanu'n ysgafn neu pan ddaw ei ymdeimlad o'r absẃrd i'r wyneb... Gall ysgrifennu'n rhwydd a darllenadwy ac mae'n adnabod pobl ei stryd. - Arwel Vittle, Cylchgrawn Barn

Broliant

Un stryd yng ngogledd Cymru... un Sadwrn glawog... ond mae'r bobl sy'n byw ochr yn ochr yn wahanol iawn i'w gilydd. Yn ifanc ac yn hen, yn lleol ac yn fewnfudwyr, mae yna bellter rhwng cymdogion... ac eto, mae yna hanes rhyfedd sy'n eu plethu nhw ynghyd.
Saith stori fer gyfoes a gafaelgar, ffraeth a theimladwy a chyfrol gyntaf yr "Hogyn o Rachub" diflewyn -ar-dafod, Jason Morgan.