Mae'r crys melyn yn dod! Mae Cymru'n dod! Mae Geraint Thomas yn dod! Bythgofiadwy.
Dyna eiriau'r sylwebydd Wyn Gruffydd ar raglen Seiclo S4C yn ystod Tour de France 2018 – geiriau sy'n crisialu'r cyffro o weld y Cymro cyntaf ar drothwy ennill ras seiclo fwyaf y byd.
Mae hanes pob un o'r 21 cymal yn y llyfr hwn gan Llion Iwan, a wnaeth sicrhau hawliau darlledu'r ras yn y Gymraeg i S4C. Ceir bwrlwm y ras, atgofion ffraeth y sylwebwyr, yn ogystal â chip y tu ôl i'r darlledu byw ac i fywyd y seiclwyr yn ystod y Tour.
Dyma daith tair wythnos hanesyddol Geraint Thomas, y Cymro balch, i gyrraedd y podiwm ym Mharis.