Esgyrn

Heiddwen Tomos

Nofel gignoeth gan Heiddwen Tomos sy'n sôn am berthynas tad-cu gyd a'i ddau ŵyr. Mae'r cymeriadau, a'u perthynas â'i gilydd, yn annwyl, yn gredadwy ac yn gofiadwy. Mae themâu cyfoes a thraddodiadol yma, megis perthyn a threftadaeth, mewnfudwyr a chariad, ac mae'r ddeialog a'r naratif yn llifo a hiwmor yn frith drwyddi.

Rhestr fer Gwobr Llyfr y Flwyddyn 2019 – Ffuglen

ISBN: 9781784616656

Pris: £8.99

Adran: Ffuglen, Ceredigion, Cefn Gwlad

Cyfrwng: Clawr Meddal

Iaith: Cymraeg

Nifer y tudalennau: 208

Mwy o wybodaeth

Gwobrau

Rhestr fer Gwobr Llyfr y Flwyddyn 2019 – Ffuglen

Adolygiadau

I ddarllen erthygl am y nofel, ewch i: https://parallel.cymru/heiddwen-tomos-esgyrn/

Mae'r portread o Tad-cu yn gampwaith, yn ei ymarweddiad a'i sgwrs, ei ddoethieb a'i ffolineb. - Meinir Pierce Jones

"A'r awdur yn athrawes Ddrama ac yn ddramodydd, does dim syndod fod y ddeialog yn taro deuddeg yn ddi-feth.... Mae'r dweud yn pefrio ac yn cydio, yn gwneud inni chwerthin a chrio am yn ail... Cynhesa'r galon wrth inni wrando ar Dai'r tad-cu yn sgwrsio a'i wyrion... Does dim dwywaith fod Heiddwen Tomos yn awdur cyffrous all ddarlunio conglau tywyllaf byd amaeth cefn gwlad mewn modd byw a chignoeth; er y tywyllwch, mae'r elfennau tynerach a'r hiwmor yn ei liniaru." - Annes Glynn, Cylchgrawn Barn

"Mae'r ddeialog yn llifo'm rhwydd a'r dafodiaith yn naturiol ac yn fyrlymus... Mae'n nofel lawn hiwmor a thensiwn, gwrthdaro a dadlau, casineb a chariad, a'r awdur yn ein cadw i ddyfalu hyd at y diwedd." - Hawys Roberts, Western Mail Weekend

Broliant

Mae Twm a Berwyn yn mynd i fyw ar fferm eu tad-cu a phan mae'r Sais o gymydog newydd yn creu tensiwn, mae bygythiadau'n berwi.

Dyma nofel sy'n portreadu cariad diamod a phroblemau teuluol mewn iaith fyrlymus, gyda hen hanes yn dal i effeithio ar fywydau'r cymeriadau.

Hefyd gan yr awdur

Mwy gan Heiddwen Tomos