Cyfres Yma: Yr Ynys

Lleucu Roberts

Y nofel gyntaf mewn trioleg ar gyfer yr arddegau hŷn. Mae Gwawr a Cai yn paratoi ar gyfer taith yn ôl i'r Henwlad er mwyn darganfod mwy am fywyd eu hynafiaid cyn ffrwydriad dinistriol y Diwedd Mawr a gafodd effaith tyngedfennol ar y byd.

clip byr yma

ISBN: 9781784615031

Pris: £5.99

Adran: Arddegau, CA3 (11-14 oed), Ffuglen Arddegau

Cyfrwng: Clawr Meddal

Iaith: Cymraeg

Nifer y tudalennau: 144

Oedran darllen: 11-16

Mwy o wybodaeth

Adolygiadau

Am fwy o wybodaeth, ewch i: https://parallel.cymru/lleucu-roberts-yr-ynys-hadau-afallon/

Dyma nofel sydd wedi ei chynllunio'n glyfar iawn. Nofel afaelgar a chadarn iawn. - Helen Angharad Evans, Cylchgrawn Barn

"Wedi mwynhau Yr Ynys yn fawr - stori afaelgar a themâu amserol. Edrych ymlaen at ddarllen y ddwy arall yn y drioleg YMA." - Dafydd Tudur, GoodReads

Hanes, gwleidyddiaeth, gwrthdaro, heriau llencyndod, a phlethwaith o themâu oesol – dyna gynhwysion y nofel afaelgar hon o waith Lleucu Roberts, y nofel gyntaf mewn trioleg. Stori wedi'i gosod yn glyfar iawn yn y dyfodol yw Yma: Yr Ynys. Drwy ddilyn helyntion dau rebel direidus pymtheg oed – Cai a Gwawr – ceir portread o'r Ynys unigryw, gyntefig ei naws. Ochr yn ochr â hyn ceir ôl-fflachiadau o fywyd ganrif a mwy ynghynt, trwy gyfrwng Dyddiadur Mam Un, sylfaenydd bywyd ar yr Ynys, ac un sy'n cael ei haddoli gan yr ynyswyr ar sail geiriau ei Dyddiadur. Mae'r iaith yn gyhyrog a'r ysgrifennu'n grefftus ond cyffyrddus iawn. Heb os, mae'r nofel hon yn argoeli'n dda ar gyfer gweddill y drioleg. - Sioned Lleinau, Gwales

Broliant

Fel hadau mewn daear yn aros am yr haf.

2140. Ynys yn yr Arctig.

Cyn i fomiau niwclear ddod yn agos at ddinistrio bywyd ar y ddaear yn 2030, aeth 49 o bobl i guddio mewn ogof ar ynys oer, anghysbell.

Ganrif yn ddiweddarach mae cymdeithas wedi datblygu yno.

Pan mae'r ynyswyr yn trefnu taith yn ôl i Gymru, mae Cai a Gwawr yn benderfynol o fod yn rhan o'r criw.

Ond beth sydd yn eu disgwyl?

Nofel anturus am ddau ffrind 15 oed mewn byd ôl-apocalyptig: y gyntaf yn y drioleg YMA.

clip byr yma

Hefyd yn y gyfres

Hefyd gan yr awdur

Mwy gan Lleucu Roberts