Merci Cymru

Dathlu haf bythgofiadwy 2016

Tim Hartley (gol.)

Casgliad o ysgrifau a lluniau i ddathlu a chofnodi llwyddiant tîm pêl-droed Cymru yn yr Ewros yn ystod 2016, gyda chyfraniadau gan ffans, sylwebwyr a rhai o arbenigwyr y gêm, gan gynnwys y sylwebydd Dylan Ebenezer a'r chwaraewr a'r gwleidydd Laura McAllister.

ISBN: 9781784613518

Pris: £7.99

Adran: Chwaraeon, Pêl-droed

Cyfrwng: Clawr Meddal

Iaith: Cymraeg

Nifer y tudalennau: 128

Mwy o wybodaeth

Adolygiadau

"Perthyn naws dyddiadur ac albwm lluniau teulol i'r gyfrol, ac mae'r cyfuniad hwn yn creu darlun byw o'r profiad o weld Cymru'n hawlio ei lle haeddiannol ar flaen y llwyfan rhyngwladol. Mae cyfraniad Laura McAllister, cyn-gapten tim pel-droed merched Cymru a chwareodd 24 o weithiau i'w gwlad, yn serennu.Yn gyfuniad o gofnod personol teimladwy a dadansoddiad treiddgar, mae'n pwysleisio'r angen am adeiladu ar lwyddiant yr Ewros, nid yn unig ym maes chwaraeon ond yn ehangach. 'Rhaid i ni ddefnyddio ein llwyddiant ar y cae pel-droed fel catalydd i newid ein delwedd ohonon ni'n hunain, yn ogystal a'r ffordd mae pobol eraill yn ein gweld ni fel cenedl." - Annes Glynn, Cylchgrawn Barn

"Mae ol gwaith meddwl golygyddol ac mae pob pennod yn cyfrannu rhywbeth gwahanol: profiad personol Iola Wyn, llygad at y gorffennol gan Gwyn Jenkins, cipolwg y tu ol i'r llenni yn Dinard, Llydaw gan Dylan Ebenezer, a thrafodaeth am chwaraeon mewn cyd-destun ehangach gan Laura McAllister." - Garmon Ceiro, Cylchgrawn Golwg

"Daeth twrnament yr Ewro a'r Cymry Cymraeg a'r di-Gymraeg ynghyd fel unwlad, pawb yn gefn i ymdrechion ei tim cenedlaethol. Mynnwch ddarllen y llyfr ar bob cyfrif." - John Morris, Y Clawdd

Tabl Cynnwys

Rhagair – Tim Hartley

Zenica, 10 Hydref 2015 – Rhys Iorwerth

Allez les Cymry! – Geraint Lovgreen

O Bydded i'r Gobaith Barhau – Iola Wyn

Ffrainc, Mehefin 2016 – Phil Davies

Campyr-fans, Crysau Lwcus a Chalon Lân – Ffion Eluned Owen

Gwlad Fach, Teulu Mawr – Rhys Hartley

Trugarez Vras – Dylan Ebenezer

Wen i 'Na! – Richard Jones

Caerdydd, 8 Mehefin 2016 – Rhys Iorwerth

Byw yn y Gorffennol – Gwyn Jenkins

Lyon 1am, 7 Gorffennaf 2016 – Rhys Iorwerth

Gorau chwarae, Cyd-chwarae – Laura McAllister

Yr Ewros Arwrol – Aled Gwyn

Apêl Gôl! yn Ffrainc

Bywgraffiadau

Broliant

"Mond gêm yw hi wedi'r cyfan," medden nhw. Y, na...

Codwyd cenedl gyfan gan lwyddiant tîm pêl-droed Cymru yn Ewro 2016. Mae'r gyfrol hon yn gasgliad o ysgrifau, cerddi a lluniau sy'n ail-fyw cynnwrf camp ein tîm cenedlaethol yn Ffrainc. Y cyffro, y gorfoledd a'r dathlu. Roedd y profiad bron yn un ysbrydol i'r rhai oedd yno, ac i'r rhai fu yn y fanzone yng Nghaerdydd, mewn clybiau, tafarndai ac ar aelwydydd, pob un yn dyst i allu pêl-droed i dynnu pobol ynghyd.

Cyfrannwyr:

Rhys iorwerth, Geraint Lovgreen, Iola Wyn, Phil Davies, Ffion Eluned Owen, Rhys Hartley, Dylan Ebenezer, Richard Jones, Gwyn jenkins, Laura McAllister ac Aled Gwyn.

Bydd holl elw y llyfr hwn yn mynd at elusen cefnogwyr pêl-droed Cymru, Gôl!