Adolygiadau
"Wel dyma adnodd gwych i athrawon – cynhwysfawr, diddorol. deniadol a lliwgar! Digon o ysbrydoliaeth. Y stori mor glyfar a doniol ac yn sbardun i gymaint o weithgareddau trawsgwricwlaidd!"
- Magwen Pughe – cyn-athrawes, mam a nain
"Llyfrau bach hwyliog gyda digon o ailadrodd o fewn llyfr, ac o lyfr i lyfr. Mae tipyn o hiwmor ynddynt a lluniau difyr, a gall plentyn deimlo balchder wrth fagu hyder o lyfr i lyfr."
- Gwenan Mared, Cylchgrawn Barn
"Bydd croeso mawr i'r gyfres mewn ysgolion, gan nad oes llawer o amrywiaeth yn y dewis o ddeunydd dysgu darllen Cymraeg sy'n dal i fod mewn print."
- Gwenan Mared, Cylchgrawn Barn
"Maent yn rhoi cyfle i blant deimlo'n hyderus wrth ddarllen oherwydd yr ailadrodd sy'n digwydd. Mae'r cymeriadau'n hoffus iawn, a'r darluniau'n lliwgar. Roedd y plant yn trafod sut oedd y cymeriadau'n teimlo wrth edrych ar y lluniau."
- Jane Jones, Ysgol Cae'r Felin, Pencader
"Ffantastig. Mae'r plant ac athrawon wedi gwirioni. Angen dilyniant!"
- Heulwen Evans, Ysgol Llanrug
"Cyfres ddiddorol – y plant yn hoffi'r lluniau yn arw, yn enwedig y siarc! Gwaith yr artist yn apelio at y bechgyn yn fawr. Cyfres arbennig fydd athrawon y Cyfnod Sylfaen yn ei chroesawu.
- Helen Jones a Llinos Bonsall, athrawon Cyfnod Sylfaen, Ysgol Rhydypennau, Bow Street