Pen ar y Bloc

Vaughan Roderick

Cofnod unigryw, ffraeth am wleidyddiaeth Cymru dros y degawdau diwethaf gan y sylwebydd craff, Vaughan Roderick. 43 o ffotograffau.

ISBN: 9781784611590

Pris: £14.99

Adran: Gwleidyddiaeth, Ysgrifau

Cyfrwng: Clawr Meddal

Iaith: Cymraeg

Nifer y tudalennau: 448

Mwy o wybodaeth

Adolygiadau

Dyma sylwebaeth wleidyddol o'r radd flaenaf: praff, eang ei orwelion ac eangfrydig ei ysbryd. Prawf pellach ein bod wedi bod yn eithriadol o ffodus fel cenedl i gael Vaughan Roderick i'n tywys trwy holl droeon dau ddegawd cyntaf datganoli. - Yr Athro Richard Wyn Jones

Clamp o dorth yn llawn brwision blasus yw'r gyfrol hon a diolch amdani. Mae angen llawer mwy o ysgrifennu miniog am wleidyddiaeth Cymru yn enwedig yn yr iaith Gymraeg. Fe geir yma bentwr o ddeunydd difyr a dadlennol a digrif ar brydiau i gyfoethogi profiad y darllennydd. Dadlennol hefyd yw ei bytiau am agwedau gwleidyddion Llafur at yr iaith Gymraeg a chenedligrwyd Cymreig. Ceir cyfoeth o ddeunydd yn y gyfrol ac mae'n darllen yn sgyrsiol a chartrefol mewn ffordd a fydd yn gyfarwydd eisoes i ddarllennwyr blog. - Huw Edwards, Cylchgrawn Barn

Does fawr neb gwell na Vaughan Roderick i brynu peint iddo a dadlau datblygiadau gwleidyddol y dydd. Mae'n wybodus, deallus, treiddgar, gwreiddiol a hynod ddireidus. Diolch i Ruth Thomas am roi'r cyfraniadau ysgrifenedig yma dros ddau ddegawd rhwng dau glawr. Mae'r gyfrol yn deyrnged deilwng i lygad manwl a greddf gref y blogiwr. Mae'n deall sut all manylion bychain ddweud cyfrolau, a pham fod mathemateg mor ganolog â chymeriad ac egwyddorion yn y gêm fawr wleidyddol. - Guto Harri, Gwales

Tabl Cynnwys

Rhagair gan Ruth Thomas

Pennod 1: Hen hanes – trem ar Gymru, 1997-2003

Pennod 2: Dechreuadau digidol y "Blog Bach", 2004-2005

Pennod 3: Dechrau diwedd Blair a rhamant dwy blaid, 2005-2007

Pennod 4: "1, 2, 3... Cymru'n Un" – dwy blaid yn dod ynghyd yn y trydydd Cynulliad, 2007

Pennod 5: Cymru'n Un, coroni Carwyn a diwedd "Y Byd", 2007-2009

Pennod 6: Cameron, Clec S4C a Refferendwm, 2009-2011

Pennod 7: Mili a'i fand, Leanne Wood, a Rhun yw'r Dyn, 2011-2013

Pennod 8: Silk, Salmond a sioc, 2013-2015

Pennod 9: I'r Tir Newydd, 2015-2017

Ol-nodyn

Mynegai

Broliant

Vaughan Roderick yw un o leisiau newyddiadurol pwysicaf a mwyaf awdurdodol Cymru yn y cyfnod modern.

Ers diwedd y 1970au, mae Vaughan wedi tystio i nifer o'r digwyddiadau sydd wedi newid Cymru – o brotestiadau Cymdeithas yr Iaith, streic y glowyr, y frwydr dros ddatganoli hyd at y bleidlais Brexit.

Dros y blynyddoedd daeth llais, ac yn ddiweddarach, blog Vaughan yn anhepgor i'r bobl hynny a ddymunai wybod y newyddion gwleidyddol diweddaraf a deall pam a sut roedd Cymru yn newid.

Mae'r gyfrol hon yn dwyn ynghyd y gorau o'r hyn a ysgrifennodd ers 2004, yn ogystal â nifer o ddarnau newydd ar rai o ddigwyddiadau a ffigyrau pwysica'r ugain mlynedd ers refferendwm datganoli 1997.

Mae'n gronicl hanfodol a ffraeth y bydd unrhyw un sydd â diddordeb yn hanes gwleidyddiaeth Cymru yn ei fwynhau.