Llythyrau yn y Llwch

Sion Hughes

Nofel iasoer wedi'i seilio ar stori wir sy'n datgelu tensiynau a hiliaeth adeg yr Ail Ryfel Byd. Nofel gyntaf yr awdur, a ddisgrifiwyd fel 'epig o nofel' gan feirniaid Gwobr Goffa Daniel Owen 2014.

ISBN: 9781784610623

Pris: £7.95

Adran: Ffuglen

Cyfrwng: Clawr Meddal

Iaith: Cymraeg

Nifer y tudalennau: 218

Mwy o wybodaeth

Adolygiadau

"Mae digon o gyffro a gwreiddioldeb yn perthyn i'r nofel hon, gyda'r Ail Ryfel Byd yn ganolog i'w stori afaelgar... Edrychwn ymlaen at y nesaf." - Aled Islwyn, Barn

"Awdur newydd sbon yw Siôn Hughes, ac er nad yw'r stori'n un gymhleth mae'n llawn tyndra. Llwyddir i godi nifer o gwestiynau diddorol ac fe gedwir ein diddordeb hyd at y diwedd. Llwyddir hefyd i greu portread credadwy o gymdeithas Gymreig yng nghefn gwlad Cymru yn nyddiau tywyll yr Ail Ryfel Byd. Croeso, felly, i awdur newydd ac i nofel gyntaf hynod addawol. Pluen arall yn het Y Lolfa! " - Dafydd Morgan Lewis, Gwales.com

Broliant

Yn 1942 taflai'r Ail Ryfel byd ei gysgod hir thywyll dros Brydain - ond gyda'r Americanwyr yn ymuno â'r rhyfel, roedd y rhod ar fin troi.

Dros nos daeth y milwyr, fel angylion achubiaeth, ac erbyn iddi wawrio roedd pentref cysglyd Llanyborth yn deffro i olygfa ryfeddol. Gyda gwersyll y milwyr gwyn i'r dwyrain a gwersyll y milwyr du i'r gorllewin, roedd trigolion y pentref wedi eu gwasgu mewn dwrn o hiliaeth.

Wedi i Sali Lloyd, merch leol, ddechrau perthynas gydag un o'r milwyr du, cafodd y gymuned ei hollti.

Yn 1985, mae Tomos, mab Sali, yn dychwelyd i'r pentref i chwilio am atebion, ond yn hytrach na dod o hyd i'r gwir mae'n agor hen friwiau ac yn darganfod dirgelwch tywyll a wal o ddistawrwydd.

Dyma frwydr un dyn am wirionedd a chyfiawnder.

Hefyd gan yr awdur

Mwy gan Sion Hughes