Newyddion

Yr wythnos hon cyhoeddir llyfr coginio newydd gan yr arbenigwr bwyd Nerys Howell. Mae Cywain – Ryseitiau o’r Ardd yn llyfr dwyieithog hardd sy’n llawn ryseitiau a lluniau i ddod â dŵr i’r dannedd.  darllen mwy

Bydd hanes y seren fyd enwog Siân Phillips yn cael ei rhannu mewn cyfrol newydd o’r un enw gan y Lolfa – o’i magwraeth yn Waun Cae Gurwen i’w gyrfa lewyrchus yn teithio’r byd a’i phriodas gythryblus gyda’r actor Peter O’Toole.  darllen mwy

Mae enillydd Llyfr y Flwyddyn gyda tu ôl i’r awyr wedi ysgrifennu nofel feiddgar arall, y tro yma i’r arddegau cynnar. Mae Astronot yn yr Atig (Y Lolfa) gan Megan Angharad Hunter yn nofel arbrofol, lawn antur ar gyfer plant 8 i 12 oed.  darllen mwy

Myfyrdodau cynnes awdur wrth iddo groesi sawl trothwy mewn bywyd ydi cyfrol ffeithiol greadigol newydd yr awdur a’r bardd Iwan Rhys - Trothwy (Y Lolfa).  darllen mwy

Yr wythnos hon cyhoeddir cyfrol ddwyieithog amlgyfrannog sy’n rhannu stori ryfeddol Deiseb gan fenywod Cymru am heddwch byd. Roedd y Ddeiseb, a ddechreuwyd yng nghysgod y Rhyfel Byd Cyntaf, yn gofyn i fenywod America i gydweithio â nhw yn enw heddwch, ac fe’i llofnodwyd hi gan bron i 400,000 o fenywod Cymru – canran sylweddol y boblogaeth ar y pryd.  darllen mwy

Yr wythnos hon, mae Sara Mai yn ôl gydag antur newydd sbon. Mae Sara Mai ac Antur y Fferm (Y Lolfa) gan Casia Wiliam, yn ddilyniant i Sw Sara Mai a Sara Mai a Lleidr y Neidr. Mae’r ddwy nofel gyntaf wedi cyrraedd rhestr fer Gwobr Tir na n-Og (2021 a 2022), a bu i’r nofel gyntaf gipio’r Wobr yn 2021.  darllen mwy

Mae llyfr newydd o’r enw Dwdls Cymraeg gan yr Athro Oliver Turnbull, yn olrhain taith dysgwr trwy cyfres o ddŵdls. Mae’r dwdls yn amlygu mewn ffordd ysgafn rai o’r heriau sy’n wynebu siaradwyr newydd, yn enwedig wrth gaffael iaith. Daeth y llyfr at ei gilydd gyda chymorth Dr Llion Jones a thiwtoriaid Cymraeg Canolfan Bedwyr, Prifysgol Bangor ac o dan nawdd Ecoamgueddfa Llŷn.  darllen mwy

Mae’r awdures Bethan Gwanas wedi mentro i fyd llawn cynnwrf y Gladiatoriaid gyda’i nofel newydd Gladiatrix sydd newydd ei chyhoeddi gan wasg Y Lolfa. Dyma nofel epig, llawn antur, angerdd ac emosiwn sydd wedi ei seilio ar ffeithiau hanesyddol. Fydd croesi’r Fenai byth yr un fath ar ôl darllen hon!  darllen mwy

Yn dilyn poblogrwydd ei drioleg am Dditectif Taliesin MacLeavy, a llwyddiant ei nofel i bobl ifanc, mae’r awdur Alun Davies yn ôl gyda stori dditectif newydd i’n cadw ar flaenau ein traed.  darllen mwy

Mae’r gyfrol ‘awdurdodol’ hon ynghylch Tryweryn yn herio ‘chwedlau’ a safbwyntiau cryfion am foddi’r Cwm Cymreig. Beth bynnag fo’r cymhlethdodau yn ymwneud â boddi Cwm Tryweryn, caiff adeiladu Llyn Celyn ei ystyried yn eang fel digwyddiad nodedig yn hanes Cymru. Mae’r stori yn cyffwrdd â chalonnau pobl Cymru mewn ffordd hollol unigryw, ac o’r diwedd, wedi ugain mlynedd o ymchwil, mae’r awdur Wyn Thomas wedi ysgrifennu astudiaeth fanwl arni i’w gyhoeddi gan Y Lolfa, gan gwestiynu sawl barn gyffredin.  darllen mwy