Lleucu Roberts

Gog swci o Sir Aberteifi sydd bellach yn byw yn Rhostryfan. Bu yn olygydd yn y Lolfa am gyfnod ac erbyn hyn mae hi yn gwneud bywoliaeth o ysgrifennu nofelau a sgriptio ar gyfer y radio a'r teledu. Mae hi wedi ennill gwobr Tir na nOg ar sawl achlysur ac enillodd Wobr Goffa Daniel Owen a'r Fedal Ryddiaith yn Eisteddfod Genedlaethol Sir Gâr 2014, y person cyntaf i gipio'r ddwy brif wobr ryddiaith yn yr un flwyddyn.