Carl Clowes
Sylfaenydd ymddiriedolaeth Nant Gwrtheyrn ac un o'r ymgyrchwyr pennaf dros ddatblygu'r Nant ar hyd y blynyddoedd. Wedi graddio fel meddyg yn 1967 symudodd i bractis gwledig Llanaelhaearn yn 1970 cyn arbenigo mewn meddygaeth gymdeithasol. Bu'n gadeirydd ar Dolen Cymru gan sefydlu perthynas barhaol rhwng Cymru a Lesotho. Bu hefyd yn ymgyrchu'n ddygn dros y Gymraeg ac fel Cadeirydd y Fforwm Iaith Genedlaethol fe lywiodd y strategaeth iaith gynhwysfawr gyntaf erioed ar gyfer y Gymraeg.