Dirwasgiad a Ffeinal 1927 – Awdur yn Datgelu Stori’r Brifddinas

Ddwy flynedd wedi cipio gwobr goffa Daniel Owen a chlod uchel am ei nofel gyntaf Igam Ogam mae Ifan Morgan Jones yn mentro i fyd hollol wahanol gyda'i ail nofel a gyhoeddir yr wythnos hon. Mae Yr Argraff Gyntaf wedi ei leoli yng Nghaerdydd yn ystod yr wythnos bwysicaf yn hanes y ddinas – Ebrill 1927 pan enillodd Caerdydd y Cwpan FA a phan gafodd Amgueddfa Genedlaethol Cymru ei agor. Roedd hefyd yn gyfnod diddorol yn hanes y ddinas gyda'r dirwasgiad yn dechrau taro'r dociau a'r awdurdodau yn colli gafael ar gyfraith a threfn. Mae Ifan yn esbonio pam iddo ddewis y cyfnod ar gyfer ei nofel,
“Wrth ymchwilio i'r cyfnod ges i fy synnu pa mor ddiddorol oedd hanes Caerdydd. Roedd ardal y bae, sydd wedi ei newid yn gyfan gwbl erbyn hyn, yn amlwg yn lle lliwgar a pheryglus ac yn berffaith ar gyfer nofel ditectif.”
Mae Ifan yn cyfaddef fod y nofel yma, sydd mewn amser a lleoliad penodol, yn hollol wahanol i Igam Ogam, oedd yn nofel ffantasiol,
“Nofel antur a dirgelwch yw Yr Argraff Gyntaf bennaf a'r gobaith ydi dal sylw'r darllenydd o'r dechrau i'r diwedd, ond mae nofel hanesyddol yn gofyn am lot mwy o waith ymchwil na nofel wedi'i leoli yn fy myd dychmygol fy hun.”
Mae'r nofel yn cychwyn gyda darganfod corff golygydd papur newydd lleol yng nghrombil gwasg argraffu ac ymweliad siryf o'r Ariannin, Enoch Jones, â'r brifddinas. Mae'r awdur wedi llwyddo i weu'r elfennau dychmygol yma gyda'r digwyddiadau go iawn gan greu nofel ddarllenadwy iawn fydd yn sicr o aros yn y cof.

manylion y llyfr

<<< Stori flaenorol     

MWY O NEWYDDION...

Caneuon Sioeau Cerdd Hudol Robat Arwyn Mewn Cyfrol

Casgliad o Ddawnsiau Celtaidd ar Gyfer y Piano

Adferiad y Gymraeg a byd natur yn y Cymoedd yn sbarduno bardd

Mae’n ddydd Sbri eto i’r Simpsons Cymraeg, sy’n pwysleisio pwysigrwydd cyd-ddarllen gyda phlant

Teithio i ben draw’r byd a’r Rhondda

Hen straeon...

Y Lolfa, Talybont, Aberystwyth, Ceredigion, Cymru/Wales SY24 5HE     +44(0) 1970 832 304