Mae poblogrwydd pobi ar gynnydd o hyd ac mae'r llyfr deniadol hwn yn adeiladu ar lwyddiant aruthrol "Paned a Chacen", llyfr ryseitiau pobi, pwdinau a phethau da cyntaf y gogyddes ddawnus Elliw Gwawr.
O fisgedi retro ei phlentyndod fel "custard creams" a Jammy Dodgers i ryseitiau sy'n eich herio i gyfuno blasau mentrus, gan gynnwys cacen chilli a siocled a myffins llus a choriander, mae arddull agos-atoch Elliw yn eich annog i fynd i'r gegin beth bynnag fo'ch gallu. A'r tro hwn ceir pennod ar bobi sawrus - bwydydd perffaith ar gyfer cinio, picnic neu barti.
Mae'r llyfr hyfryd hwn yn estyniad o flog poblogaidd Elliw ac yn llawn ryseitiau sydd wedi eu profi gartref yn ei chegin ei hun a chyngor ar sut i gael y canlyniadau gorau bob tro. Mae'r cyfan wedi'i ddylunio'n ddeniadol gyda ffotograffau Warren Orchard ac Elliw ei hun a darluniau Dorry Spikes.
Cynnwys:
Atgofion Melys
Perffaith â phaned
Pwdin i bob achlysur
Dant melys
Bara a byns
Amser dathlu
Achlysuron arbennig
Sawrus