Dyma hunangofiant emosiynol a gonest un o bel-droedwyr mwyaf adnabyddus Cymru a bendiliodd o uchelfannau i iselfannau'r gem. O chwarae i Kevin Keegan yn Newcastle ac i Terry Yorath yn nhim Cymru cyflawnodd Malcolm y cyfan a freuddwydiodd fel pel-droediwr. Ond dioddefodd hefyd siomedigaethau enbyd, yn cynnwys ofnau gwaethaf chwaraewr, sef anaf pen-glin a chwalodd ei yrfa yn ei anterth, ac yntau yn ddim ond 28 oed.
Roedd Malcolm hefyd yn un o gymeriadau mwyaf lliwgar y gem, ac ildiodd i demtasiynau alcohol a gamblo ar ei gyfnodau isaf. Bu mewn ffrae gyda sawl rheolwr ac yng nghelloedd yr heddlu fwy nag unwaith, heb son am fariau tan yr oriau man gyda rhai o fawrion y gem... Ond mi ddaeth drwyddi a dygymod a'i anafiadau a'i broblemau nes dod yn un o sylwebwyr mwyaf hoffus a deallus y gem ar y cyfryngau yng Nghymru.
Yma mae'n cyflwyno stori ei fywyd yn ddi-flewyn ar dafod, gan roi ei farn ar reolwyr a'r byd pel-droed yng Nghymru a thu hwnt, yn ogystal a mynegi ei falchder o gael dychwelyd i weithio yng Nghymru a thrwy gyfrwng y Gymraeg.