"Y broblem gydag opera ydi bod gormod o ganu," meddai debussy; yn ol Aaron Copland, "mae gwrando ar Bumed Symffoni Vaughan Williams fel syllu ar fuwch am dri chwarter awr"; ac mi ddisgrifiodd Barbirolli gerroriaeth gyfoes fel "tair rhech a resberi wedi eu trefnu i gerddorfa".
Dyna rai o'r erlau a geir yn y gyfrol ffraeth hon o anecdotau o fyd cyfansoddwyr, cantorion, offerynnwyr ac arweinyddion cerddorfeydd a gasglwyd gan Alwyn Humphreys, yn wreiddiol ar gyfer ei raglen radio boblogaidd, Cywair. Fel y dywed yr awdur, "Mae'r cythraul canu, nid yn unig yn fyw ac yn iach, ond yn ffynnu... cenfigen sydd wrth wraidd y cyfan, gyda chwistrelliad hael o ragfarn i'w ychwanegu at y potes."