Dewi Llwyd yw'r darlledwr Cymraeg mwyaf profiadol a dibynadwy sy'n bod – un o'n trysorau cenedlaethol sydd wedi darlledu o bob rhan o Gymru ac o bedwar ban byd am bedwar degawd.
Yn y gyfrol honcewch gipolwg ar ei fywyd tu ôl i'r meic, a hynny drwy gyfrwng dyddiadur dadlennol yn ystod blwyddyn gythryblus 2017. Ers i Theresa May fynd i ddolgellau ar ei gwyliau ym mis Ebrill, prin y cafwyd cyfnod mwy diddorol i fod yn newyddiadurwr, ac yn y gyfrol hon cewch ddilyn hynt a helynt y flwyddyn mewn modd difyr a gonest. Ceir yma gipolwg ar fywyd a gwleidyddiaeth Ewrop wrth deithio i Baris, Berlin a Barcelona ar gyfer etholiadau allweddol.
Cewch hefyd flas ar y profiad o gadeirio rhai o nosweithiau mwya tanllyd "Pawb a'i Farn" ar hyd y blynyddoedd, a blas ar gyffro'r noson etholiad y mae wrth ei fodd yn ei chyflwyno.
Mae yma ddarlun o'r heriau sy'n wynebu darlledwr, a chewch gip ar fywyd personol yr awdur, wrth iddo deithio i Stockholm i ddilyn ei glwb, Man Utd, ac i Dubai i weld ei fab. Cewch olwg hefyd ar y Dewi Llwyd mwy hamddenol wrth iddo holi rhai o gymeriadau mwyaf diddorol Cymru ar fore Sul.